[RIGHT]اسلام علیکم.. امید ھے آپ سب خیریت سے ھونگے.. یہ میری پہلی پوسٹ ھے اس فورم پر اور امید ھے کہ آپ دوستوں کا تعاون رھا تو آئندہ بھی ملاقات رھے گی.
ویسے تو میں بہت عرصے سے موٹرسائیکل چلا رھا ھوں،جب میں چھٹی کلاس میں پڑھتا تھا تب میرے تایا جان کے پاس ھونڈا 125 ھوتا تھا اور میں اسکو چلا کر اپنا شوق پورا کر لیتا تھا. اسکے بعد سے بہت سی موٹرسائیکلز لیں اور استعمال کیں... سب ھونڈا ھی تھے...
کچھ دن پہلے جب اس فورم پر آیا اور بہت سی پوسٹس پڑھیں سوزوکی 150 پر... تو بہت دل کیا کہ یہ بائیک بھی چیک کی جاے... تھوڑی سی مغز ماری کی سوزوکی شوروم پر جاکر اور بلاآخر اسکو لینے کا فیصلہ کر لیا...
میری قسمت خراب جس دن جا کر پتا کیا تو قیمت ایک لاکھ اٹھائیس ھزار تھی.. دوسرے دن جب پیسے ساتھ لے کر لینے گیا تو پتا چلا کہ پانچ ھزار قیمت بڑھ گئی ھے.... اتنا دل خراب ھوا کہ پوچھیں مت....
خیر... ٹوٹے دل کے ساتھ شوروم سے باھر نکلا اور سوچا کہ اگر کل لے لیتا تو پانچ ھزار بچ جاتے... گھر واپس جاتے اچانک موٹرسائیکل مارکیٹ کے پاس سے گزرتے گزرتے نظر ایک استعمال شدہ سوزوکی 150 پر پڑھی... میں فوراً رکا اور اس دکان پر گیا.. موٹرسائیکل چیک کی... 2015 ماڈل تھا.. بلکل نئی کنڈیشن تھی... دو ھزار کلومیٹر چلی ھوئی تھی.. اور بہت صاف تھی... ھر زاویے سے چیک کی.. بہت زبردست تھی..
اب مشکل بات کی باری تھی.. یعنی قیمت کی.. ڈرتے ڈرتے قیمت پوچھی تو دکان دار نے بتایا.. ایک لاکھ.... مجھے استعمال شدہ موٹرسائیکل خریدنے کا کوئی تجربہ نہیں تھا.. نہ ھی قیمت معلوم تھی... لیکن چونکہ دل ٹوٹا ھوا تھا.. تو اسکو فوراً سے نوے ھزار بول دیے.. اس نے کہا کہ صاحب نوے ھزار کو تو بھول ھی جاو...
بہت بحث و مباحثے کے بعد بات پچانوے ھزار پر بات پکی ھوگئی... پیسے میرے پاس جیب میں موجود تھے.. فوراً سے ادا کیے... بعد میں یاد آیا کہ موٹر سائیکل چلا کر تو چیک ھی نہیں کی.. دل میں بہت دعا کی کہ یااللہ پیسے تو ادا کر چکا ھوں ابھی اگر موٹرسائیکل کو کوئی نقص نکل آیا تو پیسے کیسے واپس ھونگے...
بہت دعا کی دل میں... اور موٹر سائیکل پر سوار ھو کر گئیر لگایا.. آپ یقین کریں... پچیس سال موٹرسائیکل چلا کر وہ مزاہ نہیں آیا جو اس وقت آیا مجھکو..
گھر آکر اللہ کا شکر ادا کیا.. دوسرے دن موٹرسائیکل سوزوکی شوروم لے کر گیا.. اور وھاں مکینک کو بتایا کہ ایسے استعمال شدہ لی ھے تو اسکو سارا چیک کرو.. اس نے کوئی بیس منٹ لگا کر چیک کیا اور بتایا کہ موٹرسائیکل اے ون ھے.. بس ایک ٹیونگ کروا لیں... اور آئل بدلوا لیں تو فرسٹ کلاس ھو جاے گی.. فوراً سے سب کروایا..
آپ یقین کریں کہ مجھے ایسا لگتا ھے کہ میں نے پچیس سال جو ھونڈا موٹر سائیکل چلائی وہ وقت ھی ضائع کیا.. اسکی پاور کے سامنے ھونڈا زیرو ھے.
الحمدللہ تین دن سے چلا رھا ھوں اب اور موٹر سائیکل نے ایسا مزاہ دیا ھے جوکہ الفاظ میں بیان نہیں ھوسکتا. اللہ سے دعا ھے کہ ایسے ھی چلتی رگے اور مجھے نہیں لگتا
اب میں ھونڈا کبھی چلا سکوں گا.. اسکو چلانے کے بعد..
میں موٹر سائیکل پر لمبے سفر کرنے کا شوقین ھوں. کچھ کیے بھی ھیں. لیکن اب مجھے لگتا ھے کہ میرا یہ شوق مزید پورا ھوگا.[/RIGHT]
[RIGHT]
اللہ سے دعا ھے کہ ھم سب کو اپنی رحمتوں کے سائے میں رکھیں آمین.. ثم آمین.[/RIGHT]