[RIGHT]ہم اس ٹرپ کے لئے کل چھ افراد تھے۔
یاسر ندیم غوری
طاہر تبسم درانی صاحب
عثمان انور صاحب
بلال سلیم صاحب
خوشنود یوسف صاحب
ساجد صاحب
لاہور سے ہی یہ فیصلہ کیا گیا کہ ہم لوگ شاہد کوچ سے سوات جا یئں گے۔ چنانچہ میں نے ایک دن پہلے سٹی ٹرمینل سے ٹکٹ خرید لئے۔ اور وقت مقرر پر ہم لوگ اڈے پر پہنچ گئے مگر گاڑی رش کی وجہ سے پورے دس منٹ لیٹ آئی۔ سفر کے آغاز سے ہی ہمیں قومی شناختی کارڈ دکھانے پڑ گئے اور یہ پریکٹس واپسی تک چلتی رہی۔ شاہد کوچ کا ڈرائیور نہایت عمدہ طریقے سے بس چلاتے ہوئےہمیں ڈھائی گھنٹے کے دوران کلرکہار لے آیا اور ٹوٹل ساڑھے تین گھنٹوں میں ہم اسلام آباد سے آگے نکل چکے تھے۔ درگئی کے مقام پر ہمارے کارڈز کی مکمل جانچ پڑتال کی گئی۔
فجر کی نماز ہم نے مالاکنڈ کی چڑھائی کے بعد ادا کی اور اسی دوران اجالا ہو گیا اور تمام مناظر کھلے کھلے لگنے لگ گئے۔ پورے چھ بجے ہم منگورہ اڈے پر اترے اور ناشتہ کرنے کا پلان کرنے لگ گئے
Lahore to Mingora 950/-
Mingora to Kalam 200/- (Local Transport)
[/RIGHT]