MG HS دیگر SUVs سے کیسے بہتر؟ وجوہات یہ ہیں

0 4 685

ایم جی موٹرز نے پاکستان میں گزشتہ سال نومبر میں اپنا آغاز کیا۔ MG HS مارکیٹ میں آںے والی کمپنی کی پہلی گاڑی تھی۔ اس پریمیم  SUVنے نہ صرف بہت سے پاکستانی صارفین کے دل جیتے بلکہ کمپنی کو پاکستان میں اپنا نام بنانے میں بھی مدد کی۔

ہزاروں درآمد شدہ  CBUیونٹس فروخت کرنے کے بعد کمپنی نے مقامی طور پر تیار کیے جانے والے MG HS کے دو ویرینٹس کی رونمائی کی۔ ہم اِن ویریںٹس کی قیمتوں کے بارے میں نہیں جانتے لیکن یہ ماڈلز کمپنی کی ترقی میں اہم ترین کردار ادا کریں گے۔

تب تک کمپنی اس لگژری  SUVکے  CBUیونٹس کو ساڑھے57 لاکھ روپے کی قیمت پر فروخت کرتی رہے گی۔

اس گاڑی کی قیمت دیگر SUVs جیسا کہ کِیا سپورٹیج، ہیونڈائی ٹوسان، پروٹون X70، DFSK گلوری 580 پرو کی نسبت تھوڑی زیادہ ہے۔ تاہم MG HS ایک ویلیو فار منی کار ہے۔

ذیل میں MG HS کی چند حیرت انگیز خصوصیات ہیں جو اس چینی SUV کو پاکستان کی تمام SUVs میں بہترین بناتی ہیں۔

1- ایمرجنسی بریکنگ

MG HS میں ایکٹیو ایمرجنسی بریکنگ فیچر دیا گیا ہے۔ جس کے تحت جب بھی کوئی دوسری گاڑی، سائیکل یا کوئی پیدل چلنے والا شخص اس کے سامنے آتا ہے تو یہ کار خود بخود رک جاتی ہے۔ اس طرح یہ فیچر حادثات سے بچنے اور نقصانات کو کم کرنے میں مدد کرتا ہے۔

2- ہیٹڈ سائیڈ مررز

گاڑی میں دوسری بہترین چیز یہ ہے کہ اس میں ہیٹِڈ سائیڈ مررز بھی دئیے گئے ہیں۔ اس فیچر کے ذریعے دھند کے دوران بھی آپ کو سائیڈ وئیو اور پیچھے آنے والی گاڑیاں صاف نظر آتی ہیں۔

3- بلائنڈ سپاٹ مانیٹرنگ

MG HS کا بلائنڈ سپاٹ مانیٹرنگ فیچر ڈرائیور کو پیچھے آنے والی کاروں کے بارے میں خبردار کرتا ہے۔ جب کار کا سسٹم کسی چیز کو ڈِیٹیکٹ کرتا ہے تو سائیڈ ویو مرر میں ایک زرد روشنی چمکتی ہے۔

4- ہیٹِڈ اور وینٹیلیٹڈ سیٹس

MG HS میں سامنے والی دو پیسنجر سیٹس زیادہ سرد یا زیادہ گرم نہیں ہوتیں۔ پیسنجرز اپنی خواہش کے مطابق سیٹس کا درجہ حرارت خود سیٹ کرتے ہوئے ڈرائیو سے لطف اندوز ہو سکتے ہیں۔

5- کول باکس

MG HS میں موجود کول باکس گرمیوں کا تحفہ ہے۔ آپ اس مِنی ریفریجریٹر میں پانی کی بوتلیں یا جوس کے ڈبے رکھ کر سکتے ہیں اور گرمی کے دنوں میں سفر سے لطف اندوز ہو سکتے ہیں۔

6- پیڈل شفٹرز

MG HS میں ایک ایسا فیچر پایا جاتا ہے جو پاکستان میں موجود دوسری SUVs میں نہیں پایا جاتا اور اس فیچر کا نام پیڈل شفٹرز ہے جس کے ذریعے آپ گئیرز کو مینوئلی شفٹ کر سکتے ہیں۔ اس فیچر کے ذریعے آپ کی گاڑی کی پرفارمنس بھی بڑھ جاتی ہے۔

7- اینٹی ٹریپ پینورامک سن روف

پاکستان میں بہت سی ایسی SUVs پائی جاتی ہیں جن میں یہ فیچر پایا جاتا ہے۔ MG HS میں پایا جانے والے سن روف میں اینٹی ٹریپ فنکشن پایا جاتا ہے۔

8- سپر سپورٹ موڈ

بہت سی SUVs میں سپورٹ موڈ دیا جاتا ہے جو انجن کی پاور کو بڑھاتے بہترین ایکسیلریشن مہیا کرتا ہے لیکن MG HS میں سپر سپورٹ موڈ دیا گیا ہے جو گاڑی کی اصل طاقت بحال کرتے ہوئے اس کے انجن کو زبردست پاور دیتا ہے۔

9- 360 کیمرہ

اگر آپ گاڑی پارک کرنے میں ماہر نہیں ہیں تو بالکل بے فکر رہیں۔MG HS آپ میں ایک ایسا فیچر پایا جاتا ہے جو آپ کو اس مشکل سے نجات دیتا ہے۔ اس گاڑی میں 360 کیمرہ دیا گیا جو پارکنگ کے وقت خود بخود آن ہو جاتا ہے۔

 10- 6 ائیر بیگز

MG HS میں 6 ائیر بیگز بھی دئیے گئے ہیں جو تمام مسافروں کو کسی بھی حادثے میں محفوظ بناتے ہیں۔

کیا آپ  MG HSکی ان 10 منفرد خصوصیات سے متاثر ہیں؟ آپ کو کون سا فیچعر سب سے زیادہ پسند آیا ہے؟ نیچے دئیے گئے کمنٹس سیکشن میں اپنی رائے کا اظہار کریں۔

Are you impressed with these 10 unique features of MG HS? Which one do you like the most? Tell us in the comments. 

Google App Store App Store

جواب چھوڑیں

آپ کا ای میل ایڈریس شائع نہیں کیا جائے گا.