سِوک، کرولا اور ایلانٹرا کو ٹکر دینے کیلئے کِیا کی نئی ایس یو وی
پچھلے چند سالوں سے آٹو مارکیٹ میں کومپیکٹ ایس یون ویز کی بارش کی جا رہی ہے۔ مختلف کمپنیاں ایک دوسرے پر سبقت لے جانے کے لیے یکے بعد دیگرے ایس یو ویز لانچ کر رہی ہیں۔ ذرائع کے مطابق مارکیٹ میں ایک اور ایس یو وی کی انٹری ہونے والی ہے جو سِوک، کرولا اور ایلانٹرا کو ٹکر دے سکتی ہے۔
ایس یو ویز کی بات کی جائے تو ایس یو ویز کے سیگمنٹ میں کِیا کا ایک الگ مقام ہے اور امیدا کی جا رہی ہے کہ کِیا ہنڈا سِوک، ٹویوٹا کرولا اور ہیونڈائی ایلانٹرا کو ٹکر دینے کیلئے ایک اور ایس یو وی لانچ کرنے جا رہی ہے۔
نئی لانچ ہونے والی کار کونسی ہے؟
کراچی پورٹ پر لی جانے والی چند تصاویر کے مطابق کِیا نے کِیا سٹونک کے تین یونٹس درآمد کیے ہیں جو کہ بی- سیگمنٹ کراس اوور ایس یو وی ہے۔ یہ کار عالمی سطح پر 2017 میں 4 انجن آپشنز کے ساتھ لانچ کی گئی جن میں 1000 سی سی ٹربوچارجڈ، 1200 سی سی 4 سلنڈر نیچرلی ایسپائریٹڈ، 1400 سی سی 4 سلنڈر نیچرلی ایسپائریٹڈ اور 16 سی سی 4 سلنڈر ڈٰیزل انجن شامل ہیں۔
پاکستان میں کونسی کیا سٹونک لانچ کی جائے گی؟
جیسا کہ اوپر بتایا گیا ہے کہ یہ ایک بی- سیگمنٹ کراس اوور ہے، یعنی کِیا کی کیٹگری میں یہ سب سے چھوٹی ایس یو وی ہوگی جو ہنڈا سِوک، ٹویوٹا کرولا اور ہیونڈائی ایلانٹرا کے علاوہ ایم جی زیڈ ایس، ہنڈا بی آر- وی اور آنے والی ڈی ایف ایس کے 500 کو بھی ٹکر دے سکتی ہے۔
اس گاڑی کی قیمت کی بات کی جائے تو اس سے متعلق اب تک کوئی تفصیلات جاری نہیں کی گئیں لیکن کہا جا سکتا ہے کہ اس کی قیمت اوپر بتائی جانے والی گاڑیوں کی قیمت جتنی ہی ہوگی۔ یہ گاڑی اس سیگمنٹ میں اہم اضافہ ہوگی جو کہ سیڈان کیٹگری کا مقابلہ کر سکے گی اور اگر کِیا اس گاڑی کی قیمت سِوک، کرولا اور ایلانٹرا کی قیمتوں کی رینج میں رکھتی ہے تو اس گاڑی کی کامیابی یقینی ہے۔
آپ اس بارے کیا سوچتے ہیں؟ کیا آپ کِیا کی نئی گاڑی کیلئے خوش ہیں اور آپ اس کی قیمت کے بارے میں کیا کہیں گے؟ نیچے دئیے گئے کمنٹ سیکشن میں ہمیں ضرور آگاہ کریں۔