پیٹرول کی قیمتوں میں بڑا اضافہ

2 6,330

حکومت نے ایک بار پھر پیٹرول کی قیمت بڑھا کر عوام کو بڑا سرپرائز دیا ہے۔ حکومت کی جانب سے پیٹرول کی قیمت میں 5 روپے فی لیٹر کا اضافہ کردیا گیا ہے۔

فنانس ڈویژن کی جانب سے جاری نوٹیفکیشن کے مطابق حکومت نے پٹرول کی قیمت میں 5 روپے فی لیٹر اضافہ کردیا ہے جبکہ ہائی سپیڈ ڈیزل (ایچ ایس ڈی) کی قیمت میں 5.01 روپے فی لیٹر، مٹی کے تیل کی قیمت میں 5.42 روپے فی لیٹر اور لائٹ ڈیزل آئل کی قیمت روپے 5.92 فی لیٹر اضافہ کیا گیا ہے۔

پرانی قیمتیں

پاکستان میں پٹرولیم کی پرانی قیمتوں کے مطابق پٹرول کی قیمت 118.30 روپے فی لیٹر تھی جبکہ ڈیزل 115.03، لائٹ ڈیزل 84.77 اور مٹی کا تیل بالترتیب 86.80 روپے فی لیٹر تھا۔

نئی قیمتیں

حکومت کی جانب سے پٹرولیم مصنوعات کی قیمتوں میں اضافے کے بعد پیٹرول کی نئی قیمت 123 روپے فی لیٹر ہو گئی ہے جبکہ ڈیزل 120.04 روپے فی لیٹر، لائٹ ڈیزل 90.69 روپے فی لیٹر اور مٹی کا تیل 92.26 روپے فی لیٹر ہو چکا ہے۔

New Petrol Prices

حکومت پچھلے چند ماہ سے پیٹرول کی قیمت میں مسلسل اضافہ کر رہی ہے۔ پہلے حکومت نے 16 جون کو پٹرول کی قیمت میں 2.13 روپے فی لیٹر اضافہ کیا۔ اس کے بعد 30 جون کو 2 روپے فی لیٹر، 15 جولائی کو 5.4 روپے فی لیٹر اور یکم اگست کو 1.71 روپے فی لیٹر اضافہ کیا گی۔

بعد ازاں، 16 اگست کو حکومت نے پیٹرول کی قیمت میں اضافہ نہ کرتے ہوئے پرانی قیمت کو برقرار رکھا اور یکم ستمبر کو قیمت میں 1.51 روپے فی لیٹر کمی کا اعلان کیا۔ جس کے بعد اب حکومت نے پیٹرول کی قیمت میں 5 روپے فی لیٹر اضافے کا اعلان کیا ہے۔

پیٹرول کی بڑھتی قیمت پر آپ کا کیا کہنا ہے؟ نیچے دئیے گئے کمنٹ سیکشن میں اپنے خیالات کا اظہار کریں۔

Google App Store App Store

جواب چھوڑیں

آپ کا ای میل ایڈریس شائع نہیں کیا جائے گا.