پیجو گاڑیوں کی پاکستان میں تیسری بار انٹری

0 1,156

پیجو گاڑیوں کی پاکستان میں لانچنگ کے بعد صارفین میں کافی جوش و خروش پایا جاتا ہے لیکن کیا آپ جانتی ہیں کہ پیجو گاڑیاں اس سے قبل بھی پاکستان میں دیکھی گئی ہیں۔

پہلی بار

پیجو کاریں پہلی بار 1960 میں ملک میں دیکھی گئیں۔ اس وقت پیجیو ہیچ بیک، سیڈان اور اسٹیشن ویگن سڑکوں پر دیکھی گئی تھیں۔ پیجیو 204 اور 205 ہیچ بیک کے سی بی یو یونٹس 80 کی دہائی میں محدود درآمدات کے طور پر آئے تھے لیکن مارکیٹ میں اپنی جگہ بنانے میں ناکام رہے۔ اس وقت ڈائی ہاٹسو شیراڈ، ٹویوٹا سٹارلیٹ، سوزوکی سوئفٹ MK-I اور دیگر جاپانی کاروں نے ان فرانسیسی گاڑیوں کو کافی ٹف ٹائم دیا اور صرف چند سالوں میں پیجو کاروں کو منظر سے ہٹانے میں کامیاب رہیں۔

Peugeot 205

دوسری بار

90 کی دہائی کے آغاز میں ییلو کین اسکیم کے تحت کے پیجو کار پاکستان میں دوبارہ نمودار ہوئی۔ پیجو 205 ہیچ بیک اور پیجو 309 ہیچ بیک نے اسے مقامی مارکیٹ میں ییلو کیبز بنانے کی کوشش کی لیکن ناکام رہے۔

Peugeot Yellow Cab

اس بار پیجو گاڑیوں کی ناکامی کی وجہ ان کے یورپین ڈیزل انجن تھے جنہوں نے لوکل گاڑیوں کو خاصا ٹف ٹائم دیا لیکن اس انجن میں خرابی آ جانے کی صورت میں اسے ٹھیک کرنا کوئی نہیں جانتا تھا اور نہ ہی پاکستان میں اس کے سپیئر پارٹس موجود تھے۔ دوسری جانب ایک عرصہ سے موجود جاپانی گاڑیوں میں استعمال ہونے والے انجنز کے بارے میں مکینک جانتے تھے۔ چنانچہ جاپانی کاروں نے اپنے فرانسیسی حریف پیجو کو زیر کر دیا۔

تیسری بار

پیجو تیسری بار پاکستان میں قدم رکھ رہی ہے۔ اس بار کمپنی نے اپنی جدید ترین ایس یو ویز پاکستان لانے کے لیے لکی موٹرز کمپنی (LMC) کے ساتھ شراکت داری کی ہے۔ یہ دیکھ کر کہ لکی موٹرز نے جنوبی کوریا کے برانڈ کِیا کو کس طرح مقامی مارکیٹ میں بڑی کامیابی دی، کمپنی نئے فرانسیسی کار برانڈ کو بھی کامیابی سے ہمکنار کرے گی۔

لکی موٹرز کمپنی نے حال ہی میں پیجو پاکستان کی ویب سائٹ اور سوشل میڈیا پیجز لانچ کیے ہیں۔ کمپنی فی الحال تین پیجو ایس یو ویز، پیجو 2008، پیجو 3008، پیجو 5008 لانچ کر رہی ہے۔ امید ہے کہ رواں سال کے آخر تک ہم پیجو 2008 لانچ کر دی جائے گی۔

 

Peugeot Cars

یہ پیجو گاڑیاں ماضی میں لانچ کی گئی پیجو گاڑیوں سے کافی مختلف ہیں۔ دوسری جانب پاکستانی آٹو انڈسٹری میں دیگر نئے کار برانڈز کی انٹری کے بعد انڈسٹری بھی مزید ترقی کی راہ پر گامزن ہے۔

Google App Store App Store

جواب چھوڑیں

آپ کا ای میل ایڈریس شائع نہیں کیا جائے گا.