نئے اسٹیکرز کے ساتھ وہی پرانی سی جی 125 آ گئی!

0 11 103

اٹلس ہونڈا نے CG125 کے نئے اسٹیکرز ریلیز کر دیے ہیں۔ حیرانگی کی بات نہیں ہے کہ ماڈل اب بھی وہی پرانا والا ہے۔ نئے اسٹیکر میں پیلا رنگ نمایاں ہے، جبکہ بارڈرلائن پر سفید اور کالا رنگ ہے۔

البتہ نئی یورو 2 ‏CG125 کا اسٹیکر بالکل پرانے جیسا ہی لگتا ہے۔

ہونڈا CD70 نیا اسٹیکر:

اس سے پہلے ستمبر میں اٹلس ہونڈا نے ہونڈا CD70 کا نیا اسٹیکر لانچ کیا تھا، وہی پرانی باڈی کے ساتھ۔ نیا اسٹیکر پیلے اور نیلے رنگ کا امتزاج تھا، جس میں لال رنگ کے ویرینٹ پر کچھ کالا رنگ بھی شامل کیا گیا تھا۔ جبکہ کالے ویرینٹ کا اسٹیکر سفید بارڈر کے ساتھ لال، نیلے اور ہرے رنگ کا امتزاج تھا۔

پاکستان میں ہونڈا CG125 اور CD70 کی مقبولیت:

ہونڈا CG125 پاکستان کی خاص طور پر نوجوانوں میں مقبول ترین موٹر سائیکلوں میں سے ایک ہے۔ یہ موٹر سائیکل اپنے پِک، سیٹوں کے آرام اور سائلنسر کی آواز کی وجہ سے بہت مشہور ہے۔ اس کے علاوہ اس موٹر سائیکل کے اسپیئر پارٹس بھی آسانی سے مل جاتے ہیں، جبکہ اس کی maintenance بھی بہت آسان ہے۔

اس کے علاوہ ہونڈا CD70 بھی اپنی فیول بچت، maintenance پر آنے والی کم لاگت اور پارٹس کی آسان دستیابی کی وجہ سے مشہور ہے۔ موٹر سائیکل کی مقبولیت کی ایک اور وجہ لوکل مارکیٹ میں مقابلہ نہ ہونا ہے۔

قیمت میں اضافہ:

اٹلس ہونڈا اپنی موٹر سائیکلوں کی قیمتوں میں 5,000 روپے تک کا اضافہ کر چکا ہے۔ نوٹیفکیشن کے مطابق کمپنی نے یکم اگست 2020ء سے نئی قیمتیں لاگو کی ہیں۔

نوٹیفکیشن بتاتا ہے کہ ہونڈا CD70 کی نئی قیمت 1,000 روپے کے اضافے کے ساتھ 77,900 روپے ہوگی جبکہ پرانی قیمت 76,900 روپے تھی۔ CG-125 اب 1,28,900 روپے کے بجائے 1,29,900 روپے کی ہوگی۔ CG-125S اور CG-125SE کی قیمتیں 2,000 روپے کے اضافے کے ساتھ بالترتیب 1,54900 اور 1,56,900 روپے ہوں گی۔

اس کے علاوہ CF150F کی قیمت میں سب سے زیادہ 5,000 روپے کا اضافہ دیکھا گیا ہے اور اس کی قیمت اب 2,39,500 روپے کے بجائے 2,44,500 روپے ہوگی۔

کمپنی نے ہونڈا CD-70 ڈریم کی قیمت 82,500روپے برقرار رکھی ہے۔

Google App Store App Store

جواب چھوڑیں

آپ کا ای میل ایڈریس شائع نہیں کیا جائے گا.