ٹویوٹا یارِس جی ایل آئی 1.3 سی وی ٹی بمقابلہ ہونڈا سٹی آئی-وی ٹیک 1.3 پروسماٹیک: ایک مختصر تقابل

12 896

ٹویوٹا انڈس موٹرز ملک میں پہلی بار نئی یارِس لا رہا ہے کہ جو کرولا لائن اَپ کے 1.3-لیٹر ویرینٹس کی جگہ لے گی۔ یہ 2020ء میں کسی بھی گاڑی کی سب سے زبردست لانچ ہو سکتی ہے، لیکن یہ دیکھنا ضروری ہوگا کہ عوام مارکیٹ میں آنے والی اس نئی گاڑی کا کس طرح خیر مقدم کرتے ہیں۔ 

کچھ حلقوں کا کہنا ہے کہ یہ گاڑی کرولا کے جانے سے پیدا ہونے والے خلاء کو پُر نہیں کر پائے گی، لیکن دوسرے حلقوں کو توقع ہے کہ یہ ملک میں کمپنی کی لائن اَپ کو بہتر بنائے گی۔ بہرحال، یہ کار مقامی شعبے میں ہونڈا سٹی اور سوزوکی سیاز کی مقابل ضرور ثابت ہوگی۔ 

اس بلاگ میں ہم یارِس کے GLi 1329cc CVT ورژن کا تقابل ہونڈا سٹی I-VTEC پروسماٹیک کے 1399cc ورژن سے کریں گے۔ 

انجن اور کارکردگی: 

ٹویوٹا یارِس 4-سلنڈر اِن-لائن 16 والو DOHC مع ڈوئل VVT-I 1329cc 1NR-FE انجن سے لیس ہے جو sequential multi-port fuel injection یعنی SFI سسٹم رکھتا ہے۔ یہ 6000 RPM پر زیادہ سے زیادہ98 hp اور 4200 RPM پر 123 Nm کا زیادہ سے زیادہ ٹارک پیدا کر سکتا ہے۔ یہ 7-اسپیڈ CVT/اسپورٹ شفٹ میٹک سسٹم کے ساتھ لگایا گیا ہے۔ 

دوسری جانب ہونڈا سٹی الیکٹرانک فیول انجکشن (EFI) سسٹم رکھنے والے 16-والو 4-سلنڈر I-VTEC 1339 cc انجن کی حامل ہے۔ یہ 6000 RPM پر زیادہ سے زیادہ 100 hp کی طاقت اور 128 Nm کا ٹارک پیدا کرتا ہے۔یہ 5-اسپیڈ آٹومیٹک (پروگریسِو شفٹ مینجمنٹ ٹیکنالوجی) کے ساتھ ہے۔ 

بریکنگ اور سسپنشن: 

ٹویوٹا یارِس کے اگلے پہیوں میں وینٹی لیٹڈ ڈِسک بریکس اور پچھلے حصے میں ڈرم بریکس ہیں۔ ایک بہتر بریکنگ تجربے کے لیے کمپنی نے بریک اسسٹ (BA) سسٹم بھی فراہم کیا ہے۔ یارِس GLi CVT کا فرنٹ سسپنشن میک فرسٹ اسٹرٹ سے لیس ہے، جبکہ پچھلا سسپنشن ٹورشن بیم رکھتا ہے۔ 

دوسری جانب ہونڈا سٹی اگلے پہیوں میں ڈسک بریکنگ سسٹم اور پچھلے حصے میں ڈرم بریکس سے لیس ہے۔ سٹی کے اگلے حصے میں میک فرسٹ اسٹرٹ سسپنشن مع اسٹیبلائزر جبکہ پچھلے حصے میں ٹورشن بیم مع اسٹیبلائزر نصب ہے۔ 

پیمائش اور گنجائش: 

یارِس کی لمبائی اور چوڑائی بالترتیب 4425 ملی میٹر اور 1730 ملی میٹر ہے۔ اونچائی دیکھی جائے تو یہ کار 1475 ملی میٹر اونچی ہے۔ ٹویوٹا یارِس کا وِیل بَیس اور کم از کم ٹرننگ ریڈیئس 2250 ملی میٹر اور 5.1 میٹر ہیں۔ لگیج کمپارٹمنٹ 476 لیٹر کی گنجائش رکھتا ہے جبکہ فیول ٹینک 42 لیٹر تک ایندھن محفوظ رکھ سکتا ہے۔ 

اس کے مقابلے میں ہونڈا سٹی 4395 ملی میٹر لمبی ہے جبکہ کار کی چوڑائی اور اونچائی بالترتیب 1695 ملی میٹر اور 1480 ملی میٹر ہیں۔ ہونڈا سٹی کا وِیل بَیس 2550 ملی میٹر ہے، جبکہ اس کی گراؤنڈ کلیئرنس 160 ملی میٹر ہے۔ سٹی کا ٹرننگ ریڈیئس 5.3 میٹرز ہے اور یہ 42 لیٹر کے فیول ٹینک کے ساتھ آتی ہے۔ ہونڈا سٹی 506 لیٹرز کی گنجائش رکھنے والی لگیج ٹرنک کے ساتھ آتی ہے۔ 

 ایکسٹیریئر

ٹویوٹا یارِس باہر سے ایک اسٹائلش اور خوبصورت گاڑی ہے اور بظاہر کئی لحاظ سے کرولا جیسی نظر آتی ہے۔ اگلے حصے میں یہ ایک 4-بیم ہیلوجن لیمپ ہیڈلائٹ رکھتی ہے جبکہ اس ویریئنٹ میں ڈے ٹائم رننگ لیمپس نہیں ہیں۔ یہ ایک فرنٹ ریڈی ایٹر گرِل رکھتی ہے۔ یارِس کے اس ویرینٹ میں کوئی فوگ لیمپ نہیں ہے۔ اس میں دروازوں کے بیرونی ہینڈلز باڈی کی رنگت کے ہی ہیں اور سائیڈ وِیو مررز کے اندر سائیڈ ٹرن سگنلز بھی لگے ہوئے ہیں۔ وِنڈ شیلڈ سبز رنگ کی تہہ رکھتی ہے اور فرنٹ وِنڈ اسکرین intermittent وائپرز کی حامل ہے۔ پچھلے حصے میں ایک شارٹ پول انٹینا ہے۔ اس کے نیچے ریئر کمبی نیشن لیمپس کے درمیان ایک ریئر کروم گارنِش ہے۔ خوبصورت شکل و صورت کے لیے آٹومیکر نے ریئر لیمپس میں LED لائن گائیڈ اور ریئر بمپر کے نچلے حصے پر ایک رفلیکس رفلیکٹر دیا ہے۔ کمپنی کی جانب سے اسٹینڈرڈ ٹائر سائز 185/60 R15 دیا گیا ہے اسٹیل وِیلز اور فُل ویل کیپس کے ساتھ۔

ہونڈا سٹی کو پاکستان میں موجودہ جنریشن کی زندگی کے دوران متعدد فیس لفٹ ملے ہیں۔ اس وقت ہونڈا سٹی کا فیس لفٹڈ ماڈل ہونڈا سٹی I-VTEC 1.3L پروسماٹیک ہے جو کروم اور کالے رنگ کی ریڈی ایٹر گرِل اور باڈی کی رنگت کے بمپرز کے ساتھ آتا ہے۔ سیڈان multi-reflecting کرسٹل ہیڈلائٹس کے ساتھ آپشنل فوگ لیمپس میں آتی ہے۔ ہونڈا سٹی اگلے حصے میں intermittent وِنڈ شیلڈ وائپرز رکھتی ہے۔ یہ باڈی کی رنگت کے مڈ فلیپ اور دروازوں کے بیرونی ہینڈلز رکھتی ہے۔ سائیڈ-وِیو مِرر ٹرن سگنلز کے ساتھ آتے ہیں۔ پچھلے حصے میں multi-reflecting ٹیل لائٹس رکھتی ہے۔ چھت کے آخری حصے پر پیچھے کمپنی کی جانب سے ایک مائیکروانٹینا لگایا گیا ہے۔ فیول لِڈ اوپنر ایک پُش اوپن فیچر رکھتا ہے اور ایک ایگزاٹ پائپ فِنشر بھی کمپنی کی جانب سے انسٹال کیا گیا ہے۔

انٹیریئر

یارِس کا انٹیریئر کشادہ اور اسٹائل میں حیرت انگیز لگتا ہے۔ کمپنی نے نئی یارس میں صارفین کے لیے کئی آرام دہ اور سہولت مند فیچرز بھی فراہم کیے ہیں۔ یہ ivory رنگت کی کپڑے کی نشستوں کے ساتھ آتی ہے جو دو رنگوں کے انٹیریئر میں خوب جچتی ہیں۔ یارِس کے انٹیریئر کی دیگر اہم خصوصیات یہ ہیں:

  • ملٹی انفارمیشن ڈسپلے
  • مینوئلی کنٹرولڈ ایئر کنڈیشنر + ہیٹر 
  • بیرونی درجہ حرارت کا ڈسپلے
  • اینالوگ اسپیڈومیٹر
  • ٹیکومیٹر
  • ریموٹ ٹرنک اوپنر 
  • 3-اسپوک ٹِلٹ-ایڈجسٹ ایبل اسٹیئرنگ وِیل
  • پیچھے 3 علیحدہ ہیڈ ریسٹ 
  • روشن اِنٹری سسٹم
  • پاور وِنڈوز
  • Ivory رنگت کا انٹیریئر
  • کپڑے سے بنی ڈور ٹرِم ornament 
  • اسٹینڈرڈ گیئر شفٹ لیور 
  • رنگین اندرونی ڈور ہینڈلز
  • فلور میٹس
  • سن وائزرز 
  • فرنٹ پرسنل اور رُوم لیمپ
  • Vanity آئینہ (ڈرائیور + مسافر) 
  • سینٹر کونسول باکس 
  • 12V پاور آؤٹ لیٹ
  • ڈجیٹل کلاک 
  • اکانمی میٹر
  • گیٹ-ٹائپ گیئر شفٹ لیور

دوسری جانب 1339cc ہونڈا سٹی I-VTEC پروسماٹیک کیبن کے اندر اِن خصوصیات کے ساتھ آتی ہے: 

  • الیکٹرانک پاور اسٹیئرنگ (EPS) 
  • 3-اسپوک سلوَر پینل اسٹیئرنگ وِیل ٹلٹ ایڈجسٹمنٹ فیچر کے ساتھ 
  • خاکی رنگت کا انٹیریئر 
  • الیکٹریکلی ایڈجسٹ ایبل سائیڈ مررز 
  • پاور وِنڈوز 
  • پاور ڈور لاکس 
  • ٹیکومیٹر 
  • فیول کنزمپشن ڈسپلے 
  • کی لیس انٹری
  • ڈے/نائٹ مرر
  • سن وائزر vanity مرر کے ساتھ 
  • مینوئلی کنٹرولڈ ایئر کنڈیشننگ اور ہیٹنگ سسٹم 
  • ریئروِنڈ اسکرین ڈی فوگر 
  • فیبرک سیٹس 
  • ریئر سیٹ آرم ریسٹ کپ ہولڈر کے ساتھ 
  • ریئر سیٹ ہیڈ ریسٹ
  • فرنٹ کونسول مع آرم ریسٹ 
  • ایش ٹرے
  • ٹرنک لائٹ

سیفٹی اور سکیورٹی: 

ٹویوٹا یارِس میں کمپنی کی جانب سے کئی سیفٹی اور سکیورٹی فیچرز دیے گئے ہیں۔ یارِس کے تمام 6 ویرینٹس ایک جیسے اسٹینڈرڈ سیفٹی اور سکیورٹی فیچرز رکھتے ہیں۔ آئیے ان پر ایک نظر ڈالتے ہیں:

  • سینٹرل ڈور لاکنگ
  • ABS+EBD
  • SRS ایئربیگز (ڈرائیور + مسافر) 
  • کِی ریمائنڈر وارننگ
  • ہِل-اسٹارٹ اسسٹ سسٹم
  • وہیکل اسٹیبلٹی کنٹرول (VSC) مع ٹریکشن کنٹرول
  • فیول آٹو کَٹ 
  • اگلی نشستیں 3-پوائنٹ ELR پری-ٹینشنر اور فورس لمِٹَر سیٹ بیلٹس کے ساتھ 
  • پچھلے حصے میں 3-پوائنٹ ELR کے ساتھ 3 سیٹ بیلٹس 
  • ISOFIX چائلڈ سیٹ اینکرز
  • چوری سے بچانے کے لیے سسٹم اموبیلائزر کے ساتھ 
  • لائٹ ریمائنڈر وارننگ
  • ہائی ماؤنٹ اسٹاپ لیمپ

ہونڈا سٹی 1.3 لیٹر I-VTEC پروسماٹیک چند ہی سیفٹی اور سکیورٹی فیچرز کے ساتھ آتی ہے جو مندرجہ ذیل ہیں: 

  • اینٹی -لاک بریکنگ سسٹم (ABS) مع بریک اسسٹ
  • اموبیلائزر
  • ڈور اینڈ ٹرنک اوپن وارننگ
  • کی الارم 
  • ہائی ماؤنٹ اسٹاپ لیمپ 
  • فرنٹ اور ریئر سیٹ بیلٹس 
  • ایڈجسٹ ایبل فرنٹ شولڈر اینکرز 
  • ڈور بیمز 
  • کرمپل زونز
  • فیول کنزمپشن وارننگ 
  • یورو 4 ایمیشن اسٹینڈرڈ 

یہاں یہ امر قابلِ ذکر ہے کہ پاکستان میں ہونڈا سٹی کے کسی ویرینٹ میں ایک ایئر بیگ تک نہیں آتا۔ 

انٹرٹینمنٹ فیچرز: 

آٹومیکر نے یارِس میں 3 لائنز LCD ڈسپلے کے ساتھ ایک اِن-ڈیش آڈیو سسٹم فراہم کیا ہے۔ یہ جدید بلوٹوتھ کا کنیکٹیوِٹی فیچرز بھی پیش کرتی ہے کہ جس میں 2 فونز، ہینڈز فری اور 5 فونز تک سے زبرست میوزک اسٹریمنگ شامل ہے۔ یہ MP3، CD پلیئر اور ریڈیو کے ساتھ ساتھ USB اور AUX کنیکٹیوِٹی فیچرز بھی رکھتی ہے۔ آٹو مینوفیکچرر کی جانب سے گاڑی میں دو اسپیکرز دیے گئے ہیں۔

ہونڈا سٹی بھی بنیادی انٹرٹینمنٹ فیچرز کے ساتھ آتی ہے۔ یہ نئے انٹیگریٹڈ ٹیونر سسٹم سے لیس ہے جو FM ریڈیو، AUX اور USB کنیکٹیوٹی کے ساتھ ہے۔ انفوٹینمنٹ سسٹم 2 اسپیکرز کے ساتھ دیا گیا ہے جو اگلے دروازوں میں اسٹینڈرڈ کے طور پر آتا ہے۔ پچھلے اسپیکرز بھی فراہم کیے گئے ہیں، لیکن یہ ایک آپشنل فیچر ہے۔ 

قیمت: 

قیمت کے معاملے میں یہ دونوں گاڑیاں مقامی مارکیٹ میں اِن ایکس-فیکٹری قیمتوں پر دستیاب ہیں: 

  • ٹویوٹا یارِس GLi 1329cc CVT: قیمت 25,19,000 روپے (تعارفی قیمت) 
  • ہونڈا سٹی I-VTEC 1339cc پروسماٹیک: قیمت 25,09,000 روپے 

دونوں گاڑیاں تقریباً ایک ہی قیمت پر پیش کی جا رہی ہیں، جس کا مطلب ہے کہ جو کار زیادہ فیچرز دے رہی ہے وہ اِس دوڑ میں جیت جائے گی۔ ٹویوٹا یارِس پاکستان میں ذرا نئی چیز ہے اور یہ دیکھنا دلچسپ ہوگا کہ کرولا کے 1.3 لیٹر ویرینٹس کی جگہ لینے میں کتنا وقت لے گی۔

ٹویوٹا یارس GLi 1.3 CVT کی تمام خصوصیات اور تفصیلات دیکھنے کے لیے کلک کریں 

ہونڈا سٹی i-VTEC 1.3 پروسماٹیک کی تمام خصوصیات اور تفصیلات دیکھنے کے لیے کلک کریں 

نئی یارِس کے بارے میں آپ کے خیالات کیا ہیں؟ ہمیں نیچے فیڈبیک ضرور دیجیے اور مقامی مارکیٹ میں ٹویوٹا یارِس کے دوسری مقابل گاڑیوں کے ساتھ تقابل کے لیے آتے رہیے۔

Google App Store App Store
تبصرے