100 روپے میں مری کا سفر کریں
مری کا سفر اب مشکل نہیں رہا۔ ہل اسٹیشن پر آنے والے سیاحوں اور خاندانوں کی سہولت کے لیے کیپٹل ڈویلپمنٹ اتھارٹی (سی ڈی اے) نے باضابطہ طور پر اسلام آباد اور مری کے درمیان شٹل سروس شروع کر دی ہے۔
تفصیلات کے مطابق بارہ کہو سے لوئر ٹوپہ (مری) تک شٹل سروس چلے گی۔ اس سروس سے سیاحوں کو ایک ماہ تک مدد مل سکے گی جس کے بعد یہ سروس بند کر دی جائے گی۔ اس ہفتے بارہ کہو سے ہر ڈیڑھ گھنٹے بعد ایک بس روانہ ہوگی۔ اس کے بعد، سروس اگلے ہفتے سے صرف ویک اینڈ پر کام کرے گی۔
اتھارٹی نے کہا ہے کہ سیاحوں کو 100 روپے ادا کرنے ہوں گے جب کہ 65 سال سے زیادہ عمر کے بزرگ شہری اس سروس کو مفت استعمال کریں گے۔
شٹل سروس کی افتتاحی تقریب میں پی ایم ایل این کے رہنما شاہد خاقان عباسی، طارق فضل چوہدری، حنیف عباسی اور سی ڈی اے کے چیئرمین محمد عثمان نے شرکت کی۔
چیئرمین سی ڈی اے کیپٹن محمد عثمان یونس نے کہا کہ سروس شروع کرنے کا مقصد مری ایکسپریس وے پر ٹریفک کو کم کرنا ہے۔
یہ بات قابل ذکر ہے کہ اسلام آباد اور مری کے درمیان سروس کا آغاز یہ پہلا موقع نہیں ہے۔ اس سے قبل، پنجاب حکومت نے اسی سروس کا افتتاح کیا، اسلام آباد سے ہل سٹیشن تک چلنے والی 15 بسیں چالئی گئیں۔
برفباری کے موسم میں مری سفر کرنیوالوں کیلئے تجاویز
پولیس نے سیاحوں کے لیے درج ذیل تجاویز اور مشورے شیئر کیے ہیں:
- اپنی کار کو مکینیکلی طور پر چیک کروائیں
- کار کے ٹائروں پر برف کی زنجیریں استعمال کریں، اور ٹو بار/چین لے کر جائیں۔
- کار کی بیٹری کی صحت بہترین ہونی چاہیے۔
- کار کے ریڈی ایٹر میں اینٹی فریز استعمال کریں۔
- مری کی مختلف سڑکیں یک طرفہ ہیں، لہٰذا یک طرفہ ٹریفک کی خلاف ورزی نہ کریں اور اپنی گاڑی کو مناسب پارکنگ ایریاز میں پارک کریں۔
- برف باری کے دوران برف صاف کرنے اور کیمیکل اسپرے کرنے والی گاڑیوں کو ترجیحی بنیادوں پر راستہ دیں۔
- کار ہیٹر کا استعمال بہت احتیاط سے کریں، اور زیادہ دیر تک تمام کھڑکیاں بند کرتے ہوئے اسے استعمال نہ کریں کیونکہ یہ کار کے کیبن میں کاربن مونو آکسائیڈ پیدا کر سکتا ہے اور جان لیوا ثابت ہو سکتا ہے۔
- محفوظ سفر کے لیے تمام ٹریفک قوانین اور ٹریفک پولیس کی ہدایات پر عمل کریں۔