ٹویوٹا فارچیونر ہائبرڈ کی تصاویر لیک
ایک طرف جہاں آٹو انڈسٹری میں ٹویوٹا فارچیونر ہائبرڈ کا بے صبری سے انتظار کیا جا رہا ہے وہیں دوسری طرف اسی کار سے متعلقہ خبروں نے صارفین میں جوش و خروش پیدا کر رکھا ہے۔ ٹویوٹا فارچیونر ہائبرڈ 2024 میں لانچ کی جا سکتی ہے۔
ٹکوما سے متاثر؟
ٹویوٹا فارچیونر میں ٹکوما پک اپ ٹرک کی جھلک دیکھی جا سکتی ہے۔ گاڑی سٹائل اور پرفارمنس میں یقینا کچھ نیا اضافہ کر سکتی ہے۔ گاڑی کے پروٹوٹائپ کے ایک لیک شدہ تصویر نے آٹوموٹیو کمیونٹی میں ایک ہلچل پیدا کر دی ہے۔ گاڑی کے بہترین ڈیزائن نے صارفین میں مزید دلچسپی پیدا کر دی ہے۔ ٹکوما پر مبنی ڈیجیٹل رینڈرنگ ایک زبردست فرنٹ پروفائل کو ظاہر کرتی ہے جہاں ٹرپل کروم سلیٹ کے ساتھ ہیگزاگونل گرل نظر آتی ہے۔ LED ہیڈ لیمپ کلسٹر، جس میں ڈے ٹائم رنِنگ لائٹس شامل ہیں۔ جبکہ نمایاں سکڈ پلیٹ کے ساتھ ایک عضلاتی بمپر فارچیونر کی آف روڈ صلاحیتوں کی نشاندہی کرتا ہے۔
فارچیونر کے سائڈ پروفائل پر ہمیں نئے ڈیزائن کردہ الائے ویلز، پلرز اور گرین ہاؤس ںطر آتا ہے جو باہر کی دنیا کے خوبصورت نظارہ کرواتا ہے جبکہ رئیر پروفائل پر ایل ای ڈی ٹیل لیمپ ںظر آتے ہیں۔ لینڈ کروزو، لیکسس ایل ایکس اور ٹنڈرا کی طرح 2024 فارچیونر بھی TNGA-F پلیٹ فارم بنائی گئی ہے۔
پاور ٹرین
ٹویوٹا فارچیونر 2024 کی پاور ٹرین سے متعلق افواہ ہے کہ اس میں ایک ہلکا ہائبرڈ سسٹم دیا جائے گا جو موجودہ 4 سلنڈر ڈیزل انجن 2.8L GDسیریز کیساتھ آئے گا۔ یہ انجن پاور پر سمجھوتہ کیے بغیر فیول ایوریج کو بہتر بنائے گا۔ اس کے علاوہ گاڑی میں ایک چھوٹے الیکٹرک موٹر جنریٹر کیساتھ ایک ممکنہ 48Vبیٹری دی جائے گی۔
جیسا کہ ہم 2024 ٹویوٹا فارچیونر کی باضابطہ رونمائی کا انتظار کر رہے ہیں۔ ایسے میں صارفین کا بھی جوش و خروش قابل دید ہے۔
کیا آپ بھی یہ کار دیکھنے کے لیے پرجوش ہیں؟ کمنٹس سیکشن میں اپنے خیالات کا اظہار کریں!