لینڈ کروزر 2024 کی تصاویر اور فیچرز سامنے آ گئے
ایس یو ویز کی بات کی جائے تو لینڈ کروزر کا نام سر فہرست آتا ہے۔ ٹویوٹا نے لیںڈ کروزر 2024 کے فیچرز اور تصاویر شائع کر دی ہیں۔
امریکا میں اسے صرف لیںڈ کروزر کہا جاتا ہے لیکن دیگر علاقوں میں اس گاڑی کا نام لینڈ کروزر پراڈو ہے۔ امریکا میں اس نئی گاڑی کی ابتدائی قیمت 55 ہزار ڈالر ہے۔
انجن
گاڑی کا ماڈل چیسی کوڈ J250 ہے جو کہ لینڈ کروزر ایل سی 300، ٹُنڈرا، ٹکوما وغیرہ سے ملتی جلتی ہے۔ گاڑی میں 2400 سی سی آئی فورس ہائبرڈ اِن لائن 4 ٹربوچارجڈ انجن دیا گیا ہے جو 326 ہارس پاور اور 630 نیوٹن میٹر ٹارک پیدا کرتا ہے۔ اس کے علاوہ گاڑی میں 8 سپیڈ آٹومیٹک ٹرانسمشن دی گئی ہے۔
گاڑی کا سائز اور ڈرائیو
نئی لینڈ کروزر کی لمبائی 4290 ملی میٹر، چوڑائی 4290 ملی میٹر اور اونچائی 1859 ملی میٹر ہے جبکہ وہیل بیس 2850 ملی میٹر ہے۔
یہ گاڑی مکمل طور پر 4 وہیل ڈرائیو ہے جس کے ساتھ سنٹرل لاکنگ ڈفرنشیل، 2 سپیڈ ٹرانسفر کیس، کرول کنٹرول اور لو سپیڈ کروز کنٹرول جیسے فیچرز دئیے گئے ہیں۔
انٹیرئیر
گاڑی کے انٹیرئیر کی بات کریں تو یہاں مکمل ڈیجیٹل انسٹرومنٹ کلسٹر، اپنی مرضی کی ٹرِم، 12.3 انفوٹینمنٹ سکرین، 2400 واٹ پاور اے سی انورٹر جیسے فیچرز نظر آتے ہیں۔
سیفٹی فیچرز
گاڑی میں ٹویوٹا سیفٹی سینس 3.0 دیا گیا ہے جس کے تحت ریڈار بیسڈ کروزکنٹرول، لین ٹریسنگ، پیڈسٹرین ڈیٹیکشن، رود سائن اسسٹ، لین ڈیپارچر، بلائنڈ سپاٹ مانیٹرنگ، رئیر کنٹرول ٹریفک الرٹ اور آٹو ہائی بیمز جیسے سیفٹی فیچرز دئیے گئے ہیں۔
نئی لینڈ کروزر کے بارے میں آپ کا کیا خیال ہے؟ کمنٹس سیکشن میں اپنی رائے کا اظہار کریں۔