پاکستان میں آٹو فنانسنگ میں گزشتہ 18 ماہ سے اضافہ دیکھا گیا۔ گزشتہ سال جنوری 2021 میں کار فنانس 262.5 بلین روپے سے شروع ہوتے ہوئے دسمبر 2021 میں 354 بلین تک پہنچا۔
ایک طویل عرصے کے بعد پہلی بار فنانسنگ 0.6 فیصد کم ہو کر جنوری 2022 میں 352 بلین روپے رہ گئی ہے۔ جنوری 2021 کے اعداد و شمار کے مقابلے میں، سال بہ سال کی بنیاد پر فنانسنگ اب بھی 35 فیصد زیادہ تھی۔
اسٹیٹ بینک آف پاکستان (ایس بی پی) کی جانب سے 9.75 فیصد کی بلند شرح سود کی وجہ سے 18 ماہ تک کار فنانسسنگ بڑھنے کا سلسلہ متاثر ہوا۔ حکام نے درآمدی بل کو کم کرنے اور خسارے کو کنٹرول کرنے کے لیے آٹو فنانس کے ضوابط کو بھی سخت کیا ہے۔
آٹو فنانس پالیسیز
کار فنانس میں سست روی کا سب سے بڑا عنصر آٹو فنانس کے نئے ضوابط ہیں۔ اسٹیٹ بینک نے امپورٹڈ کاروں کے لیے آٹو فنانس کی سہولت پر مکمل پابندی عائد کر دی ہے اور 1000 سی سی اور اس سے زائد کی گاڑیوں کی فنانسنگ کے لیے پالیسیوں پر نظر ثانی کی ہے۔
- قرض کی زیادہ سے زیادہ مدت سات سال سے کم کر کے پانچ سال کر دی گئی ہے۔
- زیادہ سے زیادہ ذاتی قرض کی مدت پانچ سال سے کم کر کے چار سال کر دی گئی۔
- کم از کم ڈاؤن پیمنٹ 15 فیصد سے بڑھ کر 30 فیصد ہو گئی ہے۔
- زیادہ سے زیادہ قرض کے بوجھ کا تناسب 50 فیصد سے کم کر کے 40 فیصد کر دیا گیا ہے۔
- شرح سود 7 فیصد سے بڑھ کر 9.75 فیصد کر دی گئی ہے۔
- تمام بینکوں سے ایک شخص کے لیے آٹو فنانسنگ کی حد 3 ملین روپے ہے (مجموعی طور پر)۔
گاڑیوں کی قیمتوں میں اضافہ
بڑھتی قیمتوں کی وجہ سے مجموعی طور پر گاڑیوں کی فروخت میں کمی آئی ہے۔ 2022 کے پہلے قیمت میں اضافے نے گاڑیوں کو عام آدمی کی پہنچ سے دور کر دیا۔ کار فنانس میں کمی ایک وجہ یہ بھی ہے۔
کاروں کی بڑھتی ہوئی قیمتوں اور نئے مالیاتی ضوابط کے ساتھ، کاروں کی مالی اعانت صارفین کے لیے مشکل سے مشکل ہوتی جا رہی ہے۔ کمپنیز کے پاس گاڑیوں کی بڑھتی ہوئی قیمتوں کا جواز پیش کرنے کا کوئی جواز نہیں ہے لیکن حکام نے کار فنانس کے معیشت میں بہتری لانے کیلئے ضوابط کو سخت کر دیا ہے اور ہمارے خیال میں یہ مناسب ہے۔
