JW SEZ گروپ کے مالک جاوید آفریدی گزشتہ ماہ سے ہیڈلائنز کی زینت بنے ہوئے ہیں جہاں نئی گاڑیوں کے ٹیزرز کے ساتھ ساتھ پاکستان میں منگوائی گئی 5 گاڑیوں کی بات سننے کو مل رہی ہیں۔ اس بار جاوید آفریدی نے کسی ٹیزر کی بات نہیں کی بلکہ پاکستان میں فورلینڈ بسوں کی لانچنگ کی بات کی ہے۔
JW فورلیںڈ:
جے ڈبلیو فور لینڈ پاکستان کی جے ڈبلیو ایس ای زیڈ گروپ اور چین کی فوٹون موٹر کمپنی کے درمیان مشترکہ منصوبہ ہے۔ فوٹن کو ایک دہائی سے زیادہ عرصہ سے چین کی نمبر 1 کمرشل گاڑیاں تیار کرنے والی کمپنی قرار دیا گیا ہے۔ فورلینڈ فوٹون موٹرز کا کا بنیادی کاروبار ہے جس کے تحت ٹرکس اور خاص مقصد کے لیے استعمال کی جانے والی گاڑیاں بنائی جاتی ہیں۔ JW 2018 سے پاکستان میں کام کر رہا ہے۔ اس کمپنی کے پاکستان میں بہت سے کارگو ٹرک موجود ہیں۔
یہ کمپنی طویل عرصے سے پاکستان میں فور لینڈ بسیں متعارف کروانے کا منصوبہ رکھتی تھی جس کے لیے انھوں لوکل ٹرانسپورٹ کمپنیز ڈیوو اور فیصل موورز وغیرہ سے بھی بات کی اور آخر کار اب فورلیںڈ 50 فورلیںڈ لگژری بسیں لا رہا ہے جس میں سے 20 پہلے ہی فیصل مووورز کو دی جا چکی ہیں۔
ALHAMDULILLAH.
JW Forland has entered in the new domain of Buses with the aim of "Shaping the Future of Transportation in Pakistan". 50 buses have been arrived from which 20 have been delivered to our valued customer "Faisal Movers" which are moving on roads already. pic.twitter.com/JYgLwzr2Mp— Javed Afridi (@JAfridi10) July 27, 2021
ان بسون کو انٹیرئیر کافی جدید اور ٹیکنالوجی سے بھرپور ہے اور ہم شرطیہ طور کہہ سکتے ہیں کہ یہ بسیں ڈیوو اور ہینو جیسی دیگر کمپنیز کو مات دے دیں گی۔
جاوید آفریدی کی تعریف:
گزشتہ کئی دنوں سے جاوید آفریدی پر تنقید کی جا رہی تھی اور اس کی بنیادی وجہ یہ تھی کہ وہ نئی MG گاڑیوں کے ٹیزر جاری کر دیتے تھے لیکن اس کے بعد اُس گاڑی کی لانچنگ کے بارے کوئی حتمی بات نہیں کی جاتی تھی لیکن اس بار جاوید آفریدی نے پاکستان میں فورلینڈ بسیں لا کر عوام کے دلوں کو راحت بخشی ہے جس کے لیے ان کی تعریف کی جانی چاہیے۔ اگر آپ فیصل موورز کے ساتھ سفر کرتے ہیں اور ان پریمیم فور لینڈ بسوں میں سواری کا موقع حاصل کرتے ہیں تو ہمیں اپنے اس تجربے سے ضرور آگاہ کریں۔ امید ہے کہ آپ کو ان بسوں میں سفر کر کے اچھا لگے گا۔
