سوزوکی اور ایم جی کے بعد چنگان گاڑیوں کی ڈلیوریز بھی تاخیر کا شکار
دنیا کرونا وائرس کی عالمی وبا کے اثرات سے نمٹ رہی ہے، اور پاکستان کی آٹو انڈسٹری بھی۔ گاڑیوں کی ڈلیوریز میں تاخیر پاکستان میں کئی کار برانڈز کا عام مسئلہ ہے۔ پہلے پاک سوزوکی کی گاڑیوں کی ڈلیوری میں تاخیر کے بارے میں سننے کو ملا۔ پھر پرنس DFSK نے گلوری 580 پرو کی ڈلیوری میں تاخیر پر اپنے کسٹمرز کے لیے کچھ تلافی کا سامان کیا۔ چند دن پہلے MG موٹرز نے MG HS اور MG ZS کی ڈلیوریز میں تاخیر پر ایک بیان جاری کیا۔ اب ایسا لگتا ہے چنگان پاکستان بھی اس کلب میں شامل ہو گیا ہے۔ اس آٹومیکر نے گاڑیوں کی ڈلیوریز میں تاخیر کے حوالے سے اپنے کسٹمرز کے لیے ایک باقاعدہ بیان جاری کیا ہے۔
سوزوکی، MG اور پرنس DFSK کی طرح چنگان پاکستان کو بھی کنٹینر کی کمی اور بندرگاہوں پر رش کے مسائل کا سامنا کرنا پڑ رہا ہے۔ نتیجتاً کمپنی گاڑیوں کی بروقت ڈلیوریز میں مشکلات کا سامنا کر رہی ہے۔
چنگان کاروان، M9 اور M8 کی ڈلیوریز تاخیر سے دوچار ہیں۔
چنگان پاکستان کے آفیشل بیان کے مطابق اس کی کمرشل گاڑیوں کی ڈلیوریز تاخیر کا شکار ہیں۔ کمپنی نے اپنے کسٹمرز کو بتایا ہے کہ وہ چنگان کاروان، چنگان M9 اور چنگان M8 کی ڈلیوریز میں تاخیر کو ممکنہ حد تک گھٹانے کے لیے مسلسل کام کر رہی ہے۔
ایلسوِن کی ڈلیوریز مارچ کے اختتام پر شروع ہوں گی۔
اچھی خبر یہ ہے کہ کمپنی نئی لانچ کی گئی سیڈان کی ڈلیوریز اس مہینے کے آخر میں شروع کر رہی ہے۔ کسٹمرز جنہوں نے چنگان ایلسوِن بُک کروا رکھی ہے کو کمپنی وعدے کے مطابق گاڑیاں فراہم کرے گی۔
کمپنی نے اعتماد اور صبر کرنے پر اپنے صارفین کا شکریہ ادا کیا ہے۔ پبلک نوٹس کا اختتام ایک ای میل اور دو رابطہ نمبروں کے ساتھ کیا گیا ہے کہ جہاں کسٹمرز مزید معلومات کے لیے رابطہ کر سکتے ہیں۔
پاکستان میں آٹو مینوفیکچرنگ کمپنیاں گاڑیوں کی تاخیر سے ڈلیوریز پر صارفین کو اعتماد میں لینے کے لیے ذمہ دارانہ اقدامات اٹھا رہی ہیں۔ چنگان پاکستان نے اسے بہت خوبی سے بیان کیا ہے کہ “وبا ہم سب کو آزما رہی ہے۔ ایک ساتھ مل کر ہی ہم اس کے خلاف کامیابی حاصل کر پائیں گے۔”