الیکٹرک MG مارول آر نمائش کیلئے پیش – تفصیلات جانئیے
ایم جی پاکستان نے اپنی روایت کو برقرار رکھتے ہوئے ایک اور الیکٹرک ایس یو وی ایم جی مارول آر نمائش کیلئے پیش کر دی ہے۔ تفصیلات کے مطابق کمپنی نے گاڑی اپنی لاہور ڈیلرشپ پر رکھی ہے۔ جیسا کہ نام سے پتہ چلتا ہے،یہ کار الیکٹرک ہے اور اگر لانچ کی جاتی ہے تو یہ مقامی مارکیٹ میں ایک بہترین اضافہ ہو گی۔
کمپنی نے کار کی کوئی آفیشل فیچرز اور خصوصیات شیئر نہیں کیں۔ لہذا، ہم انٹرنیشنل ویرینٹ کے فیچرز اور خصوصیات شئیر کر رہے ہیں۔
ویرینٹس
MG مارول آر میں دو ڈرائیو ٹرینز آل وہیل ڈرائیو (AWD) اور ریئر وہیل ڈرائیو (RWD) دی گئی ہیں اور انٹرنیشنل ماکریٹ میں اس کے تین ویرینٹس کمفرٹ، لگژری اور پرفارمنس موجود ہیں۔
پاور
تمام ویریئنٹس میں kWh70 کی بیٹری لگائی گئی ہے۔ تاہم، ہارس پاور اور ٹارک مختلف ہیں۔ پہلے دو ویرینٹس کمفرٹ اور لگژری، 177 ہارس پاور اور 410Nmٹارک پیدا کرتے ہیں۔ دریں اثنا، تیسرا ویرینٹ پرفارمنس 285 ٹارک اور 665Nm ٹارک پیدا کرتی ہے جبکہ بیٹری صرف 43 منٹ میں 5 فیصد سے 80 فیصد تک پہنچ جاتی ہے۔ گاڑی میں 2 گیئر آٹومیٹک ٹرانسمیشن دی گئی ہے۔
مزید برآں، کار میں 11kW کا آن بورڈ 3 فیز چارجر ہے اور کمپنی کا دعویٰ ہے کہ اس کی فی چارج رینج 402 کلومیٹر ہے۔
فیچرز و دیگر خصوصیات
- آٹومیٹک سائیڈ ویو مررز
- لیدر ہیٹڈ اور ویںٹی لیٹڈ سیٹس
- 6 وے ایڈجسٹ ڈرائیو سیٹ
- 4 وے ایڈجسٹ پیسنجر سیٹ
- 3 انچ ورچوئل کلسٹر
- 4 انچ انفوٹینمنٹ ٹچ اسکرین
- MG آئی سمارٹ کنیکٹیویٹی سسٹم
- وائس کنٹرول سسٹم
- پینورامک سن روف
- وائرلیس فون چارجر
- ایم جی پائلٹ
- خودکار ایمرجنسی بریکنگ (AED)
- ایڈاپٹیو کروز کنٹرول
- ٹریفک جام اسسٹنس
- لین کیپ اسسٹنس
- فرںٹ کولیژن وارننگ
- بلائنڈ اسپاٹ مانیٹرنگ
- 360 ڈگری کیمرہ
- 7 ایئر بیگ
- فرنٹ اینڈ رئیر پارکنگ سینسر
- انڈکٹیو الیکٹرک ٹیل گیٹ
گاڑی میں اس کے علاوہ مزید کئی فیچرز موجود ہیں لیکن ہم انتظار کریں گے کمپنی ان فیچرز کو سامنے لائے۔ الیکٹرک کاروں کا پاکستان میں روشن مستقبل ہے کیونکہ حکومت نے آٹو پالیسی 2026-2021 کے تحت الیکٹرک وہیکلز کیلئے کئی فوائد مختص کیے ہیں۔
اہم نوٹ
خیال رہے کہ ایم جی مارول آر فی الحال پاکستان میں فروخت کے لیے موجود نہیں ہے کیونکہ ایم جی پاکستان نے اسے تحقیقی مقصد کے لیے ڈسپلے کیا ہے تاکہ صارفین سے اس گاڑی کے بارے ردعمل حاصل کیا جا سکے۔