اننت امبانی کو 200 کروڑ روپے سے زائد کی گاڑیاں اور بائیکس تحفے میں ملیں
اننت امبانی کی شادی جو سات ماہ سے جاری تھی، حال ہی میں بھارت میں اختتام پذیر ہو گئی ہے۔ شادی کے اس جشن میں بالی ووڈ اور ہالی وڈ کے سپر سٹارز کے علاوہ جیف بیزوس اور بل گیٹس جیسے انٹرنیشنل بزنس ٹائیکونز نے شرکت کی۔ یہ غیر معمولی جشن مہینوں تک خبروں میں رہا اور اب بھارتی میڈیا رپورٹس دولہا اور دلہن کے لیے کروڑوں مالیت کے تحائف کی فہرست شیئر کر رہا ہے۔ دیگر مہنگے تحائف کے علاوہ 200 کروڑ پاکستانی روپے سے زائد مالیت کی کاریں اور بائیک بھی ہیں اور اگر اس شادی کے جشن اور اس پر آںے والے خرچے کو دیکھیں تو کچھ خاص نہیں لگتا۔
بالی ووڈ کی مشہور شخصیات کے تحائف
بھارتی میڈیا کے مطابق عالیہ بھٹ اور رنبیر کپور نے جوڑے کو 29 کروڑ روپے (بھارتی 9 کروڑ روپے) سے زیادہ کی مرسڈیز دی۔
رپورٹس کے مطابق رنویر سنگھ اور دیپیکا پڈوکون نے 66 کروڑ روپے (بھارتی 20 کروڑ) کی رولز رائس تحفے میں دی۔
بالی ووڈ سپر اسٹار سلمان خان نے اننت امبانی کو 50 کروڑ روپے (بھارتی 15 کروڑ) کی سپورٹس بائیک تحفے میں دی۔
ڈبلیو ڈبلیو ای اور ہالی ووڈ کے سپر اسٹار جان سینا نے 10 کروڑ روپے (بھارتی 3 کروڑ) کی لامبورگینی دی۔
دریں اثنا، ایمیزون کے مالک جیف بیزوس نے مبینہ طور پر 38 کروڑ روپے (بھارتی 11 کروڑ) کی بگاٹی تحفے میں اننت امبانی کو دی۔
دیگر تحائف
بھارتی میڈیا نے مزید بتایا کہ مائیکروسافٹ کے سابق سی ای او بل گیٹس نے تقریباً 600 کروڑ روپے ( بھارتی 180 کروڑ کی ایک یاٹ تحفے میں دی oy۔ مزید برآں، میٹا کے مالک مارک زکربرگ نے مبینہ طور پر نوبیاہتا جوڑے کو ایک پرائیویٹ جیٹ تحفے میں دیا ہے جس کی قیمت 1000 کروڑ روپے ( بھارتی 300 کروڑ روپے) دئیے۔
ہم ایک بار پھر بتانا چاہتے ہیں کہ یہ معلومات بھارتی میڈیا سے لی گئی ہیں اور ہم ان کا حوالہ دے رہے ہیں۔ تاہم مہینوں تک جاری رہنے والی شاہانہ شادی کی تقریبات کو دیکھتے ہوئے اس بات کا قوی امکان ہے کہ جوڑے کو یہ تحائف ملے ہوں۔