کیا آپ MG 3 کیلئے تیار ہیں؟ جاوید آفریدی نے ایک بار پوچھ لیا؟

جاوید آفریدی ایک تازہ ٹویٹ میں ایک بار پھر MG 3 کی بات کی ہے۔ جس کے بعد اب ایسا لگتا ہے کہ آفریدی ایم جی تھری کے بارے میں ٹویٹ کرنے سے لطف اندوز ہو رہے ہیں، ایک ایسی کار جس کا ہم ایک لمبے عرصے سے انتظار کر رہے ہیں۔ جاوید آفریدی پچھلے دو سالوں سے اس ہیچ بیک کے بارے میں بار بار ٹویٹ کر رہے ہیں، جس میں وہ گاڑی کی ممکنہ قیمت، لانچ کے بارے میں پوچھ رہے ہیں کہ کیا آپ MG3 کے لیے تیار ہیں؟

یہ ہمیں بھی اب یاد نہیں ہے کہ جاوید آفریدی نے اب تک کتنی بار ہم سے یہ سوال پوچھا لیا ہے اور اب اس کی اہمیت بالکل ختم ہو چکی ہے۔ اگر ایم جی پاکستان اس کار کو لانچ کرنا چاہتا ہے تو بس کر دے۔ بار بار ایک ہی سوال پوچھنے سے بات کی اہمیت کو شدید ٹھیس پہنچتیی ہے، اج سے دو سال قبل جاوید آفریدی نے ہمیں بتایا تھا کہ ایم جی پاکستان MG3 بیس لاکھ سے کم قیمت روپے سے کم میں لانچ کرے گی اور اب ہمیں ایسا نہیں لگتا کیونکہ ہمیں نہیں لگتا کہ یہ ملک اور آٹو انڈسٹری کی موجودہ صورتحال میں ممکن ہو گا۔

کار کے بارے میں اپنی تازہ ترین ٹویٹ میں آفریدی نے ایک بار پھر ہم سے پوچھا: “کیا آپ تیار ہیں؟ اور اس نے ٹویٹ میں پیلے رنگ میں کار کی تصویر شیئر کی۔

کیا MG3 مستقبل میں لانچ کی جا سکتی ہے؟

پچھلے سال، ایم جی پاکستان نے کچھ کاریں دکھائیں جو کہ مستقبل میں لانچ کی جا سکتی تھیں۔ دلچسپ بات یہ ہے کہ ایم جی 3 ان میں شامل نہیں تھا۔ مزید برآں، ایم جی نے کبھی بھی باضابطہ طور پر یہ تسلیم نہیں کیا کہ وہ اس ہیچ بیک کو پاکستان میں لانچ کرنے کا منصوبہ بنا رہے ہیں۔ اگرچہ جاوید آفریدی ایم جی پاکستان کے پوسٹر بوائے ہیں، لیکن ایسا لگتا ہے کہ ان کی اور کمپنی کی سمت بالکل مختلف ہے۔

اس سال اگست میں، آفریدی نے ٹویٹ کیا کہ MG3 “جلد آرہا ہے” اور مارچ میں، انہوں نے دعویٰ کیا کہ مقامی طور پر اسمبل شدہ MG3 ، MG5، اور MG Gloster جلد ہی لانچ کی جائیں گی۔ لیکن ابھی تک کچھ نہیں ہوا ہے، اور مستقبل قریب میں اس کا بہت زیادہ امکان لگتا ہے۔

بہرحال، یہاں عالمی مارکیٹ میں MG3 کی نمایاں خصوصیات یہ ہیں۔

MG 3 ایک 1500 سی سی سب کومپیکٹ ہیچ بیک ہے۔ یہ گاڑی عالمی مارکیٹ میں اپنی دوسری جنریشن میں دستیاب ہے۔ اس کا 1.5 لیٹر انجن 5 سپیڈ مینوئل اور 4 سپیڈ آٹومیٹک ٹرانسمیشن کے ساتھ آتا ہے۔

Exit mobile version