اٹلس ہنڈا نے گزشتہ سہ ماہی میں ریکارڈ منافع کمایا
اٹلس ہںڈا جسے عام طور پر ہنڈا بائکس کے نام سے جانا جاتا ہے، نے 30 ستمبر 2023 کی سہ ماہی میں سب سے زیادہ سہ ماہی منافع ریکارڈ کیا ہے۔ پاکستان سٹاک ایکسچینج کو لکھے گئے ایک خط کے مطابق کمپنی نے مذکورہ مدت کے دوران 1.96 بلین روپے کا منافع ریکارڈ کیا۔
اقتصادی تجزیہ کار مقیت نعیم نے اسی بارے با کرتے ہوئے کہا ہے کہ کمپنی کی آمدنی 39 ارب روپے ریکارڈ کی گئی ہے جو کہ اب تک کی ریکارڈ آمدنی ہے۔ انھوں نے لکھا کہ اگرچہ کمائی کا ایک بڑا حصہ دوسری آمدنی سے آتا ہے لیکن آئندہ آنے والی سہ ماہی میں بھی اچھی آمدنی ریکارڈ کی جائے گی۔ انہوں نے مزید کہا کہ بہتر ایگری انکم اور روپے کی قدر میں اضافہ منافع میں اضافہ کرے گا۔
ATLH – Highest ever qtrly profits of Rs 1.96bn. Revenue also comes at highest ever levels of PKR 39bn. Although major part of earning comes from other income, the subsequent qtrs would also be strong on core. The better agri-income and PKR appreciation would enhance profits.#PSX pic.twitter.com/1armTj29CD
— Muqeet Naeem (@MuqeetNaeem6) October 23, 2023
اٹلس ہونڈا کا سٹاک ایکسچینج کو خط
خط میں یہ کہا گیا ہے کہ 30 ستمبر 2023 کو ختم ہونے والے ششماہی کے لیے ایک عبوری نقد منافع 17 روپے فی شیئر، یعنی 170 فیصد رہا۔ دریں اثنا، 30 ستمبر کو ختم ہونے والے ششماہی کے لیے کسی بونس حصص کی سفارش نہیں کی گئی، اور اسی مدت کو جاری رکھنے کے لیے کسی حصص کی سفارش نہیں کی گئی۔ اس کے علاوہ مزید بتایا گیا ہے کہ کمپنی کی شیئر ٹرانسفر بکس 4 نومبر 2023 سے 6 نومبر 2023 (دونوں دن سمیت) بند رہیں گی۔
منافع کی ممکنہ وجہ تمام ہنڈا بائک کی ریکارڈ قیمتیں ہیں۔ جیسا کہ ہنڈا سی ڈی 70 کی فی الحال قیمت 157900 روپے ہے جو کہ ایک موٹر سائیکل کے لیے غیر معمولی طور پر زیادہ ہے۔ خاص طور پر اس موٹرسائیکل کیلئے جسے عام آدمی کی سواری سمجھا جاتا ہے۔ کمپنی نے پچھلے دو سالوں میں بار بار قیمتوں میں اضافہ کیا ہے۔ دلچسپ بات یہ ہے کہ کمپنی نے اس کی کوئی خاص وجہ بھی نہیں بتائی۔ ان بائکس کی قیمتیں عام طور پر ڈالر کی شرح کے ساتھ بڑھ جاتی ہیں، لیکن دلچسپ بات یہ ہے کہ گزشتہ چند ہفتوں میں روپیہ ڈالر کے مقابلے میں نمایاں طور پر مضبوط ہوا ہے، لیکن قیمتوں میں کمی کے کوئی امکانات نہیں ہیں۔
اگرچہ مقامی مارکیٹ میں یہ افواہ گردش کر رہی تھی کہ اٹلس ہنڈا نے اپنی موٹر سائیکل کی قیمتوں میں کمی کر دی ہے لیکن یہ خبر محض ایک افواہ تھی کیونکہ ہنڈا کے ایک موٹر سائیکل ڈیلر نے PakWheels کو بتایا کہ قیمت میں کمی کے فوری امکانات نہیں ہیں۔
اٹلس ہنڈا کے ریکارڈ زیادہ منافع پر آپ کا کیا خیال ہے؟ کمنٹس سیکشن میں ہمیں بتائیں۔