سیلز کے لحاظ سے سال کی بہترین گاڑیاں
ہر ماہ پاما (پاکستان آٹو موٹیو مینوفیکچررز ایسوسی ایشن) گاڑیوں کے لیے اپنی ماہانہ سیلز رپورٹ جاری کرتی ہے۔ اس رپورٹ کو سمجھنا عام آدمی کے لیے مشکل ہو سکتا ہے لیکن یہاں اس رپورٹ میں ہم آپ کے لیے چیزوں کو آسان بنا کر لائے ہیں۔ پاما رپورٹ میں گاڑیوں کی سالانہ سیلز کے مطابق بہترین کاروں کا بلاگ یہ ہے۔
نوٹ: خیال رہے کہ یہ جون 2023 سے مئی 2023 تک کے مجموعی اعداد و شمار ہیں۔
سوزوکی آلٹو (31531 یونٹس فروخت ہوئے)
ہم سب جانتے تھے کہ آلٹو پہلے نمبر پر ہوگی۔ دلچسپ بات یہ بھی ہے کہ یہ وہ کار ہے جس پر پاکستانی سب سے زیادہ تنقید کرتے ہیں۔ کچھ اسے “پیپا” کہتے ہیں اور کچھ اسے “صابن دانی” بھی کہتے ہیں اور پھر انہی لوگوں نے ہی آلٹو کو سیلز کے لحاظ سے پاکستانی مارکیٹ میں نمبر 1 گاڑی بھی بنا دیا ہے۔
ہنڈا سٹی اور ہنڈا سوِک (مجموعی طور پر 10519 یونٹس فروخت ہوئے)
رپورٹ کے مطابق نے جون 2023 سے مئی 2023 تک ان کی مجموعی فروخت 10519 یونٹس تھی۔ اگر ہم ایوریج لیں تو اس کا مطلب ہے کہ ہنڈا سٹی اور ہنڈا سِوک دونوں کے اس عرصے کے دوران تقریباً 5259 یونٹس فروخت ہوئے۔ تاہم، ہمیں یقین ہے کہ سٹی کی سوک سے زیادہ فروخت ہونی چاہیے، لیکن چونکہ PAMA نے تفصیلات فراہم نہیں کی ہیں اس لیے ہم یقین سے یہ نہیں کہہ سکتے۔
ٹویوٹا کرولا، یارس اور کرولا کراس (مجموعی طور پر 14012 یونٹس فروخت کیے)
ٹویوٹا نے سالانہ سیلز کے لحاظ سے تیسری پوزیشن حاصل کی ہے۔ پاما نے کرولا، یارِس اور کرولا کراس کی مجموعی سیلز کا ذکر کرتے ہوئے بتایا ہے اس عرصے کے دوران ہر گاڑی کی اوسط سیلز 4670 تھی۔ حیرت کی بات یہ ہے کہ ہنڈا نے سیلز میں ٹویوٹا کو پیچھے چھوڑ دیا ہے حالانکہ اس سے قبل ٹویوٹا فروخت کے معاملے میں ہنڈا سے بہت آگے تھی۔
سوزوکی سوئفٹ (4628 سیلز)
سوئفٹ سوزوکی کا ٹاپ آف دی لائن ماڈل ہے جس میں کچھ اچھی ہائی ٹیک فیچرز ہیں۔ سوئفٹ کو عام طور پر وہ لوگ خریدتے ہیں جو فیچرز کا خیال رکھتے ہیں اور یہ گاڑی وہ واحد قابل اعتماد اور اچھا آپشن ہے جو 5 ملین روپے سے کم قیمت میں تمام معیاری فیچرز پیش کرتا ہے۔
سوزوکی کلٹس (3352 یونٹس فروخت کیے)
حیرت انگیز طور پر سیلز کے اعداد و شمار کے لحاظ سے کلٹس آخری نمبر پر ہے۔ 2022 سے پہلے کلٹس آلٹو اور ویگن آر کے بعد سب سے زیادہ فروخت ہونے والی گاڑیوں کا دوسرا ماڈل تھا۔ تاہم، حکومت کے بے پناہ ٹیکسوں اور درآمدی محصولات کی وجہ سے، سوزوکی نے کلٹس کی قیمتوں کو تقریباً 180 فیصد تک بڑھا دیا ہے۔ اسی لیے آپ سیلز کے اعداد و شمار کے لحاظ سے کلٹس کو آخر میں دیکھ رہے ہیں۔
سوزوکی ویگن آر (3223 یونٹس فروخت کیے)
کلٹس کی طرح، سوزوکی نے بھی 2022 میں ویگن آر کی قیمتوں میں 180 فیصد اضافہ کیا، جس کی وجہ سے لوگوں کی بالکل نئی ویگن آر میں دلچسپی ختم ہوگئی۔ 2022 سے پہلے ویگن پاکستان میں آلٹو کے بعد دوسری سب سے زیادہ فروخت ہونے والی گاڑی تھی۔
یہ پاکستان میں سب سے زیادہ فروخت ہونے والی ٹاپ 6 کاریں تھیں۔ فہرست طویل ہے، اس لیے اسے مختصر کرنے کے لیے ہم نے کار کے 6 ٹاپ ماڈلز کا ذکر کیا ہے۔