سوزوکی گاڑیوں کی بکنگز کھول دی گئیں
سٹیٹ بینک آف پاکستان کی جانب سے درآمدی پابندیوں کے باعث اور موجودہ معاشی بدحالی کے پیش نظر گزشتہ چند ماہ مقامی آٹوموبائل انڈسٹری کے لیے انتہائی اہم رہے ہیں۔ درآمدی پابندیوں نے کار سازوں کو نہ صرف اپنی پروڈکشن کم کرنے پر مجبور کیا بلکہ بکنگ کی معطلیوں کے اعلانات بھی کیے گئے ہیں۔ جس کے نتیجے میں سیل کم ہوئی اور منافعے کی شرح بھی کافی متاثر ہوئی ہے۔
پاکستان سوزوکی موٹر کمپنی (PSMC) ان کار کمپنیوں میں شامل تھی جنہیں انہی حالات کا سامنا ہے۔ تاہم، چیزوں کو بہتر کرنے کی کوشش میں، کمپنی نے تمام کاروں کی بکنگ دوبارہ شروع کر دی ہے۔ اس سے قبل بھی پاک سوزوکی نے ایسا ہی اعلان کیا تھا، لیکن وہ صرف کارپوریٹ صارفین کے لیے یونٹس اور ماڈلز کی محدود تعداد تک محدود تھا۔
لہذا، حالیہ نوٹیفکیشن کے مطابق تمام صارفین کے لیے بکنگ دوبارہ شروع کر دی گئی ہے۔ ہر ماڈل کو ایک مخصوص کوٹہ کی شرائط کے تحت فروخت کیا جائے گا، اور تمام ماڈلز کے لیے ڈیلیوری کا وقت 2 ماہ ہوگا۔ اس فیصلے سے کمپنی کو آنے والے مہینوں میں فروخت میں ایک بہتری دیکھنے کو مل سکتی ہے۔
اکتوبر میں گاڑیوں کی فروخت میں 21 فیصد اضافہ
جب پاکستان میں آٹوموبائل انڈسٹری موجودہ بدترین معاشی مسائل اور سٹیٹ بینک آف پاکستان کی جانب سے درآمدی پابندیوں کی وجہ سے متاثر ہو رہی ہے تو دوسری جانب پاکستان آٹو موٹیو مینوفیکچررز ایسوسی ایشن (PAMA) کی رپورٹ کچھ مختلف خبر لے کر آئی ہے – یعنی گزشتہ ماہ کاروں کی فروخت میں 21 فیصد اضافہ ہوا ہے۔
تاہم، کاروں کی بڑھتی ہوئی قیمتوں، کم فروخت اور کار فنانسنگ میں کمی کی وجہ سے سالانہ فروخت میں 36 فیصد کمی واقع ہوئی ہے جو گزشتہ سال کے اسی عرصے میں 21024 یونٹس کے مقابلے میں رواں سال 13369 یونٹس پر پہنچ گئی ہے۔
ٹویوٹا انڈس کی سیل میں معمولی اضافہ ریکارڈ کیا گیا۔ کمپنی نے اکتوبر میں 3374 یونٹس فروخت کیے جبکہ ستمبر میں یہ تعداد 2617 یونٹس تک محدود تھیی – جو کہ ماہ بہ ماہ 29 فیصد کا اضافہ ہے۔
ہنڈا اٹلس کاروں کی سیل کی بات کریں تو کمپنی کی سیل میں کافی اضافہ ہوا ہے – یعنی کمپنی نے ستمبر میں 1280 یونٹس کے مقابلے میں 1425 یونٹس فروخت کیے گئی۔ (ماہ بہ ماہ اضافہ: 11 فیصد)
اسی طرح پاک سوزوکی موٹرز کمپنی (PSMC) نے شاندار اعداد و شمار کی نمائش کی۔ کمپنی نے ستمبر میں 6,006 یونٹس کے مقابلے میں اکتوبر میں 8,003 یونٹس فروخت کیے۔ (ماہ بہ ماہ اضافہ: 11 فیصد)
دوسری جانب ہیونڈائی نشاط کی سیل کافی کمی دیکھنے کو ملی۔ کمپنی نے بڑے پیمانے پر مندی دیکھی، ستمبر 2022 میں 967 یونٹس کے مقابلے اکتوبر 22 میں 486 یونٹس فروخت ہوئے۔