کوئی بھی سوزوکی کار خریدیں اور بچائیں 650000 روپے
آج سے چند سال قبل پاکستان میں گاڑی خریدنا ایک آسان اور سادہ سی بات تھی۔ گاڑیوں کی قیمتیں کم تھیں اور شرح سود بھی متوسط طبقے کے لیے قابل برداشت تھی۔ اسی طرح گاڑیوں کی سیلز بھی نئی بلندیوں پر پہنچ رہی تھی اور کار فنانسنگ بھی اچھی کارکردگی کا مظاہرہ کر رہی تھی۔ تاہم، معاشی بحران پیدا ہونے کے کچھ سالوں کے اندر اندر مقامی آٹو سازوں اور خریداروں کے لیے چیزیں مکمل طور پر بدل گئیں۔
جس کے بعد اب گاڑیوں کی قیمتوں کے ساتھ ساتھ شرح سود تاریخی بلندی پر پہنچ چکی ہے۔ جس کی وجہ سے صارفین کی قوت خرید متاثر ہوئی ہے۔ لوکل کاروں کی فروخت اور پیداوار کم ہے اور آٹو فنانس سیکٹر سکڑ رہا ہے، پچھلے ایک لمبے عرصے سے “آن” کلچر “آف” میں بدل گیا ہے۔ گاڑیاں بنانے والی کمپنیز اپنی ویران ڈیلرشپس کو آباد کرنے کیلئے ایک کے بعد ایک نئی آفر سامنے لا رہے ہیں۔
مقامی کار ساز کمپنیاں صارفین کو اپمنی طرف راغب کرنے کے لیے خصوصی پیشکشوں کے اعلانات کر رہی ہیں اور دلچسپ بات یہ ہے کہ پاکستان سوزوکی موٹرز کمپنی (PSMC) اس معاملے میں سب سے آگے ہے۔ کمپنی کئی ماہ سے نمایاں ماڈلز پر مختلف آفرز لا رہی ہے۔
اس بار ایک سوشل میڈیا پوسٹ میں پاک سوزوکی نے حبیب میٹرو آٹو فنانس کے ساتھ مل کر آلٹو، ویگن آر، سوئفٹ اور کلٹس سمیت اپنے تمام نمایاں ماڈلز پر ایک حیرت انگیز پیشکش کا اعلان کیا ہے، جس سے صارفین 650000 روپے تک کی بچت کی سکتے ہیں کیونکہ یہاں شرح سود 18 فیصد سے کم ہے۔
کمپنی کی جانب سے کی گئی پوسٹ میں کہا گیا ہے کہ:
حبیب میٹرو آٹو فنانس کے ذریعے بڑی بچت سے فائدہ اٹھا کر آج ہی اپنی پسند کی کار چلانے کے اس ناقابل یقین موقع سے محروم نہ ہوں اور حاصل کریں 65000 روپے تک کی بچت حاصل کریں۔
ایک اور پیشکش
ایک اور سوشل میڈیا پوسٹ میں پاک سوزوکی اپنے صارفین کیلئے ایکسچینج بونس جیسی ایک لائی ہے۔ یعنی کہ یہ پرانی دو، نائی لو آفر ہے جو اپنی پرانی سوزوکی کو نئی ویگن آر میں اپ گریڈ کرنے کا بے صبری سے انتظار کر رہے ہیں۔
پاک سوزوکی کی جانب سے دی گئی اس آفر کے بارے میں آپ کا کیا خیال ہے؟ کمنٹس سیکشن میں ہمیں بتائیں۔