گزشتہ ماہ ریکارڈ گاڑیاں فروخت ہوئیں، پاما رپورٹ
پاکستان آٹوموٹیو مینوفیکچررز ایسوسی ایشن (پاما) کی جانب سے جاری کردہ ماہانہ رپورٹ میں کہا گیا ہے کہ گزشتہ ماہ ریکارڈ 28379 گاڑیاں فروخت ہوئی ہیں۔ یعنی گاڑیوں کی فروخت میں گزشتہ ماہ کی نسبت 24 فیصد اضافہ دیکھا گیا ہے۔
رپورٹ میں سامنے لائے گئے اعداد و شمار سے لگتا ہے کہ گاڑیوں اور پیٹرول کی بڑھتی قیمتوں نے صارفین کو کچھ خاص متاثر نہیں کیا ہے۔
پاما رپورٹ میں مزید کہا گیا ہے کہ مالی سال 2022 میں 279267 گاڑیاں فروخت ہونے کے بعد ایک نیا ریکارڈ بن گیا ہے۔ اس سے قبل 2018 میں 258792 گاڑیاں فروخت ہوئی تھیں۔
مالی سال 2022 میں ریکارڈ سیلز کی وجہ؟
سال کے آغاز میں، گزشتہ حکومت نے سیلز ٹیکس اور FED میں کمی کی اور شرح سود کو بھی کم کیا جس کے بعد گاڑیوں کی فروخت میں اضافہ ہوا۔ بعد ازاں، حکومت نے یہ فیصلہ واپس لے لیا لیکن گاڑیوں کی بڑھتی فروخت پر کوئی اثر نہیں پڑا۔
کمپنی کے لحاظ سے سیلز میں کمی
ٹویوٹا انڈس کی کرولا کی سیلز میں تھوڑا اضافہ جبکہ یارس کی سیلز میں کمی دیکھنے کو ملی ہے۔ اس کے علاوہ فارچیور اور ریوو کی فروخت میں 15 فیصد ہوا ہے۔ کمپنی نے گزشتہ ماہ کُل 6309 یونٹس فروخت کیے۔ (ماہ بہ ماہ اضافہ:7 فیصد)
ہنڈا اٹلس نے مئی میں 2910 جبکہ مئی میں 3903 یونٹس فروخت کیے۔ (ماہ بہ ماہ اضافہ: 34 فیصد)
دوسری جانب ہیونڈائی نشاط نے گزشتہ ماہ جون میں 1871 یونٹس فروخت کیے ہیں۔ (ماہ بہ ماہ اضافہ: 9 فیصد)
اسی طرح پاک سوزوکی کی آلٹو اور کلٹس کی فروخت میں بھی بڑا اضافہ دیکھا گیا ہے۔ کمپنی نے کُل 16009 یوںٹس فروخت کر کے ماہانہ سیلز کا نیا ریکاڑد بنایا ہے۔ (ماہ بہ ماہ اضافہ: 31 فیصد)
خیال رہے کہ دیگر تمام کار کمپنیاں کِیا لکی موٹر، ماسٹر چنگان موٹرز، ریگل موٹرز، ایم جی موٹرز اور الحاج پروٹون پاما ممبرز نہیں ہیں۔ لہذا، ان کی سیلز کے اعداد وشمار اس رپورٹ میں شامل نہیں ہیں۔
گاڑیوں کے لحاظ سے سیلز میں کمی
سوزوکی نے آلٹو کے 7487 یونٹس، سوزوکی کلٹس کے 2468، سوزوکی ویگن آر کے 2134، سوزوکی سوئفٹ کے 1676، سوزوکی بولان کے 1216 اور سوزوکی راوی کے 1028 یونٹس فروخت ہوئے۔
ٹویوٹا انڈس نے کرولا اور یارِس کے 4453 یونٹس اور فارچیونر اور ہائی لکس کے 1856 یونٹس فروخت کیے۔
ہنڈا اٹلس نے سوک اور سٹی کے 3421 یونٹس اور BR-V کے 482 یونٹس فروخت کیے۔
ہیونڈائی نشاط نے ایلانٹرا کے 594 یونٹس، سوناٹا کے 400، پورٹر کے 77، اور ٹوسان کے 639 یونٹس فروخت کیے ہیں۔
مندرجہ بالا تمام سیلز کا ماہ بہ ماہ موازنہ ہے۔