رواں ماہ جولائی میں خیبر پختونخواہ حکومت نے تمام رہائشیوں کے لیے 1 روپے میں کار رجسٹریشن کا اعلان کیا۔ صوبائی حکومت نے یہ نئی پالیسی مالی بجٹ 2021-22 کے تحت متعارف کرائی۔ یہ ایک ناقابل یقین بات تھی لیکن یہی سچ ہے۔ جس کا ثبوت ذیل میں دیا گیا ہے۔
خیبر پختنوخواہ کے ایک رہائشی نے حال ہی میں 27 اکتوبر کو پشاور میں صرف 1 روپے میں ٹویوٹا کرولا آلٹس گرینڈی ایکس 2021 رجسٹر کروائی ہے۔ ایکسائز اینڈ موٹر وہیکل رجسٹریشن ڈیپارٹمنٹ خیبر پختنوخواہ کی رجسٹریشن سلپ یہ ہے۔
ہمیں خوشی ہے کہ خیبرپختونخواہ میں کار رجسٹریشن فری کی جا رہی ہے۔ تحقیق کرنے پر ہمیں پتہ چلا کہ گاڑی کے مالک نے رجسٹریشن ایجنٹ سے رابطہ کیا جس نے اسے 12500 روپے کی قیمت بتائی لیکن جب اس نے گاڑی کی رجسٹریشن کروانے ایکسائز آفس گیا تو محکمہ نے رجسٹریشن کیلئے اس سے صرف 1 روپیہ وصول کیا۔
پنجاب اور اسلام آباد میں گاڑیوں کی رجسٹریشن
پنجاب میں اسی ماڈل کی رجسٹریشن گاڑی کی قیمت کا 3 فیصد ہے جو کہ تقریبا 135,000 بنتا ہے۔
اگر آپ اسی ماڈل کو اسلام آباد میں رجسٹر کرتے ہیں تو آپ کو 91000 روپے ادا کرنا ہوں گے جو کہ گاڑی کی قیمت کا 2 فیصد بنتا ہے.
اگر آپ خیبر پختنوخواہ کے رہائشی ہیں تو آپ خوش قسمت ہیں کیوں کہ آپ اپنی گاڑیوں کی مفت رجسٹریشن کروا سکتے ہیں جبکہ پنجاب، اسلام آباد اور دیگر علاقوں کے شہریوں کو گاڑیوں کی رجسٹریشن فیس کے طور پر ہزاروں روپے (یہاں تک کہ لاکھوں) ادا کرنے پڑتے ہیں۔ اس دوران دھوکہ دہی کرنے والے ایجنٹس سے ہوشیار رہیں اور ان سے رابطہ کر کے پیسے ضائع مت کریں بلکہ خود ایکسائز آفس تشریف لائیں اور اس سروس سے فائدہ اٹھائیں۔
