چنگن آلسوِن سیڈان پاکستان میں نظر آ گئی
کاروں کے شوقین افراد کے لیے ایک زبردست خبر یہ ہے کہ چینی کمپنی چنگن کی آلسوِن (Alsvin) سیڈان کو حال ہی میں پاکستان کی سڑکوں پر چلتا دیکھا گیا ہے۔ زیبرا پرنٹ کے ساتھ کیموفلاج کی گئی یہ کار اسلام آباد میں دیکھی گئی۔ یہ چینی مینوفیکچر پاکستان میں اپنی گاڑیاں لانچ کرنے کی تیاری کرنے والی نئی کمپنی ہے، جو صارفین کے لیے ایک زبردست خبر ہے کیونکہ انہیں مارکیٹ میں ایک اور چوائس مل جائے گی۔
پہلی نظر میں آلسوِن سیڈان ہیونڈائی ایکسینٹ (Accent) جیسی لگتی ہے، ٹیل لائٹس کا ڈیزائن ایک جیسا ہونے کی وجہ سے۔ لیکن قریب سے دیکھیں تو اس سیڈان میں فرق نمایاں ہو جائے گا۔ اس فرق میں پچھلے حصے میں ڈبل ویسٹ لائن، ہینگنگ ٹچ اسکرین، سائیڈ پروفائل اور چینی کار کا مجموعی خاکہ شامل ہیں۔ پھر آلسوِن سیڈان ایکسینٹ کے مقابلے میں زیادہ نرم اور دھیما ڈیزائن رکھتی ہے۔
انجن پاور اور پرفارمنس:
پاکستان میں نظر آنے والی یہ کار تیسری جنریشن کی سب کومپیکٹ سیڈان ہے جو انجن کے دو ویرینٹس میں آتی ہے۔ پہلا 1.4 لیٹر 4-سلنڈر DVVT ہے جو 104 ہارس پاور رکھتا ہے، جبکہ دوسرا 1.5 لیٹر 4-سلنڈر DVVT انجن ہے جو 107 ہارس پاور رکھتا ہے۔ دونوں انجن 5-اسپیڈ آٹومیٹک یا 5-اسپیڈمینوئل ٹرانسمیشن سے لیس ہیں۔ اس کے علاوہ نئی گاڑی اینٹی-لاک بریکنگ سسٹمز (ABS)، الیکٹرانک بریک-فورس ڈسٹری بیوشن (EBD) ٹیکنالوجی، ریئر ویو کیمرا، کروز کنٹرول، ٹائر پریشر مانیٹرنگ سسٹم، بلائنڈ اسپاٹ مانیٹرنگ اور ہل اسٹارٹ اسسٹ کے ساتھ آتی ہے۔ یہ گاڑی جدید ترین اِن کال انٹیلی جنٹ انٹرکنیکٹ سسٹم کے ساتھ ماڈرن انفوٹینمنٹ سسٹم سے بھی لیس ہے۔
خبریں بتاتی ہے کہ چنگن ٹویوٹا یارِس اور ہونڈا سٹی کا مقابلہ کرنے کے لیے یہ کار لانچ کرنے کا منصوبہ بنا رہا ہے۔ یہ بھی بتایا گیا ہے کہ کمپنی پاکستان میں مزید گاڑیاں بھی متعارف کروائے گی جن میں SUVs، کراس اوورز، ہنچ بیکس اور درمیانے سائز کی سیڈانز شامل ہیں۔
اس گاڑی کی لانچنگ بہت عرصے کے بعد مقامی آٹو سیکٹر میں کسی نئی گاڑی کا اضافہ ہوگی۔ اس ڈیولپمنٹ سے لوکل انڈسٹری اور مارکیٹ میں مقابلہ بڑھے گا۔ ہمیں امید ہے کہ چنگن ملک میں تازہ ہوا کا جھونکا ثابت ہوگی۔
کاروں کے بارے میں مزید معلومات اور انڈسٹری کے حوالے سے مزید خبروں کے لیے PakWheels.com پر آتے رہیں