چنگان اوشان کی مقامی سطح پر تیاری شروع
چنگان پاکستان نے نئی کراس اوور ایس یو وی چنگان اوشان X7 کی بڑے پیمانے پر پیداوار شروع کر دی گئی ہے۔ سوشل میڈیا پوسٹ پر کی گئی ایک پوسٹ میں کمپنی نے اعلان کیا ہے کہ پاکستان کے SUV سیگمنٹ میں خلل آنا شروع ہو گیا ہے۔
پوسٹ میں کمپنی نے مزید لکھا کہ جدید ترین ماسٹر چنگان موٹرز لمیٹڈ پلانٹ میں چنگان اوشان X7 کی تیاری شروع کر دی گئی ہے۔
اس سے قبل ہم نے آپ کو گاڑی کے لانچ کی ممکنہ تاریخ کے بارے میں بتایا تھا۔ ہمارے ذرائع کے مطابق کمپنی 11 فروری 2021 کو گاڑی کی ڈیجیٹل لانچ کرے گی۔ یعنی ہم اگلے چند دنوں میں مارکیٹ میں ایک نئی کار دیکھیں گے۔
دریں اثنا، گاڑی کے ایکسٹیرئیر اور انٹیرئیر کی خصوصی تصاویر یہ ہیں۔
ممکنہ فیچرز و دیگر خصوصیات
تصاویر میں آپ دیکھ سکتے ہیں کہ گاڑی کا ایکسٹیرئیر کافی جدید ہے اور ایسا لگتا ہے کہ یہ اپنے حریف گاڑیوں سے قدرے بڑی ہے۔ سب سے نمایاں چیز اس کی بڑی فرنٹ گرِل، ایل ای ڈی DRLs اور LED ہیڈ لیمپس ہیں۔ مزید برآں، سامنے ایک ریڈار ہے، یعنی کار میں اڈاپٹیو کروز کنٹرول، لین اسسٹ، اور فرنٹ کولیژن وارننگ وغیرہ جیسے فیچرز بھی ہو سکتے ہے۔
گاڑی کے رئیر پروفائل کی بات کی جائے تو یہاں آپ کو ایل ای ڈی بریک لیمپ، ریورس کیمرہ اور پارکنگ سینسر نظر آتے ہیں۔ اس کے علاوہ رئیر وائپر، ڈبل ایگزاسٹ اور شارک فن اینٹینا بھی دیا گیا ہے۔
انٹیریئر کی بات کریں تو یہاں نظر آنے والے کچھ فیچرز میں کروز کنٹرول اور اسٹیئرنگ پر آڈیو بٹنز، انفوٹینمنٹ ٹچ اسکرین، ڈیجیٹل کلائمیٹ کنٹرول، پش اسٹارٹ، الیکٹرک پارکنگ بریک، ٹرپٹرونک ٹرانسمیشن اور ری ٹریکٹیبل سائیڈ ویو مررز شامل ہیں۔ گاڑی کے اندرونی حصے کو بیج رنگ دیا گیا ہے جو پہلی نظر میں ایک سٹائلش لُک دیتا ہے۔ کار کے لانچ ہونے کے بعد ہم اس کے بارے میں مزید تفصیل سے جانیں گے۔ جن میں گاڑی کے آفیشل فیچرز اور خصوصیات شامل ہوں گے۔
تو کیا آپ اوشان X7پلس کی لانچ بارے پرجوش ہیں؟ نیچے دئیے گئے کمنٹ سیکشن میں اپنی رائے کا اظہار کریں۔