چنگان پاکستان اوشان X7 کا فیس لفٹ لانچ کرنے کیلئے تیار
چنگان پاکستان سے متعلق ان دنوں مارکیٹ میں کافی چھائی ہوئی ہے اور دلچسپ بات یہ ہے کہ چند دن پہلے کمپنی نے ملک میں اپنی مشہور سیڈان چنگان ایلسوین کا بلیک ایڈیشن لانچ کیا گیا ہے۔ ایلسوین کے شوقین افراد نے ابھی گاڑی کا بلیک انٹرئیر ٹھیک سے نہیں دیکھا تھا کہ کمپنی کی جانب سے ایک اور مصدقہ اپ ڈیٹ سامنے آ گئی ہے۔
کیا آپ اندازہ لگا سکتے ہیں کہ اپ ڈیٹ کیا ہوگی؟ آج ذرائع نے ہمیں اطلاع دی ہے کہ چنگان پاکستان اپنی مشہور کراس اوور ایس یو وی، اوشان ایکس 7 کا فیس لفٹ لانچ کرنے کی تیاری کر رہا ہے لیکں حیران کن بات یہ ہے کہ آپ اسے برائے نام فیس لف بھی کہہ سکتے ہیں۔
یہاں آپ کو “برائے نام” پڑھ کر حیرت ہوئی؟ بالکل، کیونکہ یہ فیس لفٹ کے مقابلے میں ایک معمولی ڈیزائن کی تبدیلی ہے۔ یعنی اس فیس لفٹ کے ایکسٹیرئیر یا انٹیرئیر میں کوئی بڑی تبدیلی نہیں کی جا رہی۔ لہذا، اس فیس لفٹ سے کچھ زیادہ امید نہ کی جائے۔
کیا یہ ایک Facelift ہے؟
اس فیس لفٹ میں کی گئی تبدیلیوں میں بڑی تبدیلیاں “نیا وہیل ڈیزائن، ہیڈلائٹس کے نیچے ٹرم کا نیا رنگ اور موجودہ تھری اسپوک ڈیزائن کی جگہ دو اسپوک اسٹیئرنگ وہیل” سے زیادہ کچھ نہیں ہوں گی۔ دلچسپ بات یہ ہے کہ یہی چند تبدیلیاں کر کے گاڑی کو فیس لفٹ ماڈل کا نام دے دیا گیا ہے۔
چنگان ایلسون بلیک ایڈیشن
چنگان پاکستان نے اپنی سیڈان چنگان ایلسون کا بلیک ایڈیشن لانچ کر دیا ہے۔ تفصیلات کے مطابق کمپنی نے اپنے ٹاپ ویرینٹ لومئیر کے لیے یہ نیا آپشن متعارف کرایا۔
گاڑی میں کی گئی تبدیلیاں
کمپنی کے مطابق نئے ویرینٹ میں یہ اپ گریڈز کی گئی ہیں۔
- بلیک سائڈ ویو مررز
- بلیک الائے ویلز
- بلیک لیدر سیٹس
- بلیک روف
- بلیک ڈور ہینڈلز
- بلیک انٹیرئیر
- چنگان ایلسوین بلیک ایڈیشن کی قیمت 4574000 روپے ہے جو کہ لومئیر ویرینٹ کی قیمت سے سے 25000 روپے زیادہ ہے جس کی قیمت 4549000 روپے ہے۔
چنگان اوشان X7 کی آنے والی فیس لفٹ کے بارے میں آپ کا کیا خیال ہے؟ کمنٹس سیکشن میں ہمیں بتائیں۔