چیری ٹیگو 8 پرو کا مانگ بڑھنے کی وجہ سے اسٹاک ختم
چیری پاکستان کی جانب سے قیمت پر لگائی گئی آفر اور فوری ڈیلیوری کے بعد بھاری مانگ کی وجہ سے کمپنی کی کراس اوور ایس یو وی ٹیگو 8 پرو کا فی الحال سٹاک ختم ہو چکا ہے۔ کار کمپنی نے اپنے ایک بیان میں کہا ہے کہ سپیشل پرائس اور چیری ٹیگو 8 پرو کی فوری فراہمی جیسی آفرز پر ناقابل یقین ردعمل کے لیے ہم اپنے کسٹمرز کا شکریہ ادا کرتے ہیں۔ کمپنی نے مزید کہا کہیہ پاکستان میں گندھارا آٹوموبائلز لمیٹڈ اور چیری برانڈ پر صارفین کے اعتماد کو ظاہر کرتا ہے۔
کمپنی نے مزید کہا کہ آج سے ہم سپیشل پرائس اور فوری ڈیلیوری جیسی آفرز کو ہم آج سے ختم کر رہے ہیں۔ تاہم، صارفین چیری ٹیگو8 پرو کو 1800000 روپے کی جزوی ادائیگی کی بکنگ کے ساتھ حاصل کر سکتے ہیں۔
اس کے علاوہ گاڑی کی ڈیلیوری کا نیا تخمینہ 60-45 دن ہوگا، تاہم، ہم ڈیلیوری کے وقت کو کم سے کم کرنے کے لیے کام کر رہے ہیں اور صارفین کو اس بارے آگاہ کرتے رہیں گے۔ چیری پاکستان نے کہا کہ ہم واقعی آپ کے اعتماد کی قدر کرتے ہیں اور اپنے معزز صارفین کو بہترین تجربہ فراہم کرنے کے لیے پرعزم ہیں۔
سپیشل آفر
اپریل 2024 میں پاکستانی آٹو مارکیٹ میں اپنی دو سالہ موجودگی کا جشن مناتے ہوئے چیری نے اپنی کراس اوور ایس یو وی ٹیگو 8 پرو کی قیمت میں کمی کا اعلان کیا تھا۔
اس موقع پر کمپنی نے کہا کہ اس عظیم سنگ میل کو منانے کے لیے گندھارا آٹوموبائلز لمیٹڈ ٹیگو 8 پرو کیلئے سپیشل پرائس قیمت کا اعلان کر رہی ہے۔
نئی سپیشل قیمت کا اطلاق 17 اپریل 2024 سے ہوا تھا۔ کمپنی نے ٹیگو 8 پرو کی قیمت میں 849000 روپے کی کمی کردی ہے۔ جس کے بعد گاڑی کی قیمت 10399000 روپے سے کم ہو کر 9550000 روپے ہو گئی۔
کیا آپ کراس اوور ٹیگو 8 پرو خریدنے کا سوچ رہے ہیں؟ کمنٹس سیکشن میں ہمیں بتائیں۔