”ڈائی ہاٹسو شیراڈ سب سے افورڈیبل گاڑیوں میں سے ایک ہے،” مالک کا ریویو
آج ہم آپ کے لیے مالک کے ریویوز میں ڈائی ہاٹسو شیراڈ لائے ہیں۔ یہ گاڑی پٹرول اور ڈیزل دونوں انجنوں میں پیش کی گئی تھی۔ ڈیزل کے دو ویرینٹ تھے، ٹربو اور نان-ٹربو۔ یہ گاڑی جس کا ریویو کیا جا رہا ہے، نان-ٹربو ڈیزل ویرینٹ ہے۔ مالک کے مطابق انہیں یہ نان-ٹربو ویرینٹ پسند ہے کیونکہ اسے کم قیمت پر مینٹین رکھنا آسان ہے۔
انجن:
یہ گاڑی 1000cc کا نان ٹربو ڈیزل انجن رکھتی ہے۔ مالک نے ہمیں بتایا کہ ڈیزل انجن زیادہ تر مکینیکل کمپونینٹس رکھتا ہے، جو اسے افورڈیبل اور آسانی سے مینٹین ہونے والا بناتا ہے۔ انہوں نے کہا کہ “آپ کو صرف بیٹری کو بہتر حالت میں رکھنا ہوتا ہے اور فیول پمپ کو مناسب انداز میں ایڈجسٹ کرنا پڑتا ہے،” آپ کی گاڑی ہموار چلتی رہے گی۔ اس کے مقابلے میں پٹرول انجن میں کئی مکینیکل اور الیکٹرک پارٹس ہیں، جو اسے درست حالت میں رکھنا مہنگا بناتے ہیں۔
خریداری کا فیصلہ اور قیمت:
مالک نے ہمیں بتایا کہ شیراڈ رننگ حالت میں 2 لاکھ روپے سے کم میں پڑے گی، جو اسے دوسری گاڑیوں کے مقابلے میں سب سے زیادہ افورڈیبل بناتی ہے۔ انہوں نے کہا کہ “اس خریداری کی بڑی وجہ یہ ہے کہ یہ ڈیزل انجن رکھتی ہے کیونکہ اسے پٹرول انجن کے مقابلے میں مینٹین رکھنا زیادہ آسان ہے۔”
کیا یہ قابلِ بھروسا ہے؟
کیونکہ یہ ایک پرانا ڈیزائن رکھنے والی پرانی گاڑی ہے، اس لیے سوال پیدا ہوتا ہے کہ کیا یہ قابلِ بھروسا ہے؟ کیونکہ زیادہ تر طلبہ یا کم بجٹ رکھنے والے لوگ ہی اسے خریدیں گے۔ اس سوال کے جواب میں مالک نے کہا کہ یہ ایک بہت قابلِ بھروسا گاڑی ہے۔ انہوں نے کہا کہ “میں اسے لے کر شہر سے باہر بھی جاتا رہتا ہوں، یہاں تک کہ پہاڑی علاقوں میں بھی، اور اس نے کبھی کوئی مسئلہ نہیں کیا۔”
فیول ایوریج:
مالک کا کہنا ہے کہ شہر کے اندر اس کا فیول ایوریج تقریباً 15 کلومیٹرز فی لیٹر ہے جبکہ یہ لمبے روٹ پر فی لیٹر 23 کلومیٹرز دیتی ہے، جو زبردست ہے۔
مینٹی نینس:
جیسا کہ پہلے بتایا گیا کہ اس گاڑی کی مینٹی نینس بہت آسان اور افورڈیبل ہے۔ مالک نے ہمیں بتایا کہ “ایک مرتبہ ایک پٹرول پمپ پر اس میں ڈیزل کی جگہ پٹرول بھر دیا گیا تھا۔ اس کے باوجود یہ گاڑی 50 کلومیٹرز چلی اور ہم نے صرف ٹنکی خالی اور صاف کر کے اور موبل آئل مکسڈ ڈیزل بھر کر اس مسئلے کو حل کر لیا اور گاڑی چلنے کے لیے تیار ہو گئی۔”
باڈی پارٹس:
اس گاڑی کے باڈی پارٹس بعد میں آنے والے شیراڈ ماڈلز کے مقابلے میں ذرا مہنگے ہیں۔ “آپ کراچی یا پشاور سے اس کے چار دروازے 20,000 روپے میں خرید سکتے ہیں۔”
بیٹھنے کی گنجائش:
یہ گاڑی اگلی اور پچھلی سیٹوں پر کافی گنجائش رکھتی ہے، ہیڈ اسپیس بھی کافی اچھا ہے۔ یہ گاڑی سوزوکی مہران اور سوزوکی FX سے زیادہ کشادہ ہے۔
وڈیو دیکھیں:
