دیپال L07 (فیچرز و دیگر خصوصیات)
یہ گاڑی منفرد اور سٹائلش فرنٹ پینل کے ساتھ آتی ہے جس میں ایل ای ڈی سٹار پیٹل ڈی آر ایل لائٹس شامل ہیں۔ 19 انچ کے الائے ویلز اور ڈوئل کلر رِمز اسے ٹویوٹا کراؤن یا بی ایم ڈبلیو i5 کا مدمقابل بناتے ہیں۔
گاڑی کے رئیر پروفائل پر ایل ای ڈی سٹار فلیم تھرو ٹائپ ٹیل لائٹس ہیں جو چینی ڈیزائن کو نمایاں کرتی ہیں، ساتھ ہی چار پارکنگ سنسرز، الیکٹرک ٹیل گیٹ، اور سٹوریج کمپارٹمنٹس اور کشادہ کیبن اسے زیادہ پریکٹیکل بناتے ہیں۔
گاڑی کے اندر داخل ہوتے ہی آپ کو پریمیم انٹیرئیر کا احساس ملے گا۔ اس میں ملٹی کلر ڈائنامک ایمبینٹ لائٹنگ، سونی سراؤنڈ سسٹم کے ساتھ 14 سپیکرز، 10.2 انچ ایل سی ڈی میٹر، اور 14.6 انچ سن فلاور ٹچ اسکرین شامل ہے جو 15 ڈگری تک مڑنے کی صلاحیت رکھتی ہے۔
ڈیپال L07 ایک پرمنینٹ میگنیٹک سنکرونس موٹر سے لیس ہے جو 258 ہارس پاور اور 320 نیوٹن میٹر ٹارک پیدا کرتی ہے۔ گاڑی کی رینج 540 کلومیٹر ہے، یعنی آپ لاہور سے اسلام آباد ایک ہی چارج پر سفر کر سکتے ہیں۔
دیپال S07 (فیچرز و دیگر خصوصیات)
یہ الیکٹرک SUV فراری، بینٹلی، مرسڈیز، اور ٹیسلا جیسے برانڈز سے متاثر دکھائی دیتی ہے۔ فرنٹ پروفائل میں چینی ‘پیڈل آف پاور’ ڈیزائن شامل ہے جو ڈی آر ایل اور انڈیکیٹرز کو ملاتا ہے جبکہ ہیڈلائٹس اس کے نیچے دی گئی ہیں۔
انٹیرئیر کی بات کریں تو اس گاڑی میں لگژری ہونے کا بھرپور احساس ہے۔ دروازوں پر لکڑی کی پالش اور کاک پٹ میں بینٹلی سے متاثرہ ڈیزائن شامل ہیں۔ 15.5 انچ فلوٹنگ اسکرین تمام فنکشنز کو کنٹرول کرتی ہے جسے اشارے سے بھی کنٹرول کیا جا سکتا ہے۔
اس SUV میں 66.8 kWh بیٹری پیک ہے جو 250 hp کی پاور اور 320Nm ٹارک پیدا کرتی ہے۔ یہ گاڑی ایک ہی چارج میں آؤڈی ای-ٹرون سے تقریباً دوگنی رینج فراہم کرتی ہے۔
آپ دیپال S07 اور L07 کی قیمتوں میں کمی کے بارے میں کیا سوچتے ہیں؟ کیا آپ ان میں سے کوئی ایک گاڑی خریدیں کریں گے؟ کمنٹس سیکشن میں ہمیں ضرور بتائیں۔