دیوان موٹرز نے ایک اور الیکٹرک کار Honri Ve 3.0 لانچ کر دی
رواں ماہ کے شروع میں دیوان موٹرز نے ایکو گرین موٹرز لمیٹڈ کے تعاون سے پاکستان کی پہلی مقامی طور پر تیار شدہ الیکٹرک گاڑی “Honri Ve” لانچ کی۔ ہم نے اس گاڑی کی خصوصیات، فیچرز، قیمت، بکنگ اور ڈلیوری سے متعلق تفصیلات بھی ظاہر کیں۔ تقریباً ایک ماہ بعد، کمپنی نے 300 کلومیٹر رینج کے ساتھ “Honri Ve 3.0” کے نام سے ایک اور ویرینٹ متعارف کرایا ہے، جو اسے پاکستان میں روزمرہ کی ڈرائیونگ کے لیے بہترین بناتا ہے۔
پرفارمنس اور فیچرز
یہ نئی الیکٹرک گاڑی ایک ہی چارج پر 300 کلومیٹر تک سفر کر سکتی ہے، کار کو مکمل چارج کرنے میں گھر میں نارمل طریقے سے چارج کرتے ہوئے صرف 7 گھنٹے لگتے ہیں۔
کار میں پرمنینٹ میگنٹ سنکرونس موٹر دی گئی ہے جو 35 کلو واٹ پاور اور 87 نیوٹن میٹر ٹارک فراہم کرتی ہے۔ اس کی ٹاپ سپیڈ 100 کلومیٹر فی گھنٹہ ہے اور اس کا ڈرائیونگ کا تجربہ بھی بہترین ہے۔ اس میں 29.9 kWhکی لیتھیم آئرن فاسفیٹ بیٹری دی گئی ہے جو اپنی پائیداری کے لیے مشہور ہے۔
اس کے علاو Honri Ve 3.0 ڈرائیو کو پرلطف اور آسان بنانے کے لیے کئی فیچرز کے ساتھ آتی ہے۔ ڈرائیور اپنے موڈ اور سڑک کے حالات کے لحاظ سے اکانومی اور سپورٹس موڈ کے درمیان انتخاب کر سکتے ہیں۔ اس کے علاوہ کار میں یہ بھی خصوصیات ہیں:
- رئیر ویو کیمرہ
- ٹائر پریشر مانیٹرنگ سسٹم
- 220V اے سی چارجنگ گن
سیفٹی فیچرز
دیوان موٹرز نے Honri Ve 3.0 میں سیفٹی فیچرز کو ترجیح دی ہے۔ کار میں یہ سیفٹی فیچرز دئیے گئے ہیں:
- اینٹی لاک بریکنگ سسٹم (ABS) اور الیکٹرانک بریک فورس ڈسٹری بیوشن
- ڈرائیور ایئر بیگ
- ریورس کیمرہ اور ریئر پارکنگ ریڈار
- ISOFIX چائلڈ سیٹ انٹرفیس
- لو سپیڈ پیڈسٹرین وارننگ سسٹم
- ڈرائیونگ کے دوران آٹومیٹک لاکنگ اور کسی بھی حادثے کے بعد آٹومیٹک ان لاکنگ سسٹم
بکنگ اور قیمت کی تفصیلات
دیوان موٹرز ایک آسان بکنگ آپشن پیش کرتی ہے جس کے مطابق کے آپ صرف 50 فیصد ڈاؤن پیمنٹ کے ساتھ اپنے لیے کار بُک کر سکتے ہیں جبکہ گاڑی کی قیمت 4999000 روپے ہے۔
Honri Ve 3.0 پاکستان کی آٹو انڈسٹری کے لیے گیم چینجر ہے۔ اپنی متاثر کن رینج، جدید خصوصیات اور سیفٹی فیچرز پر توجہ کے ساتھ، یہ الیکٹرک کار ماحول سے آگاہ ڈرائیور کے لیے بہترین انتخاب ہے۔