Evee سی ون ائیر کی قیمت سامنے آگئی
پاکستانی مارکیٹ میں Evee سی ون ائیر کی قیمت 300000 روپے رکھی گئی ہے۔ ذیل میں الیکٹرک سکوٹر کے فیچرز تفصیل کیساتھ بیان کیے گئے ہیں۔
Evee سی ون ائیر کوئی ایوریج سکوٹر نہیں ہے۔ اس کی رفتار 70 کلومیٹر فی گھنٹہ ہے جو کہ ایک الیکٹرک سکوٹر کیلئے کافی زیادہ ہے۔ آپ نارمل موڈ میں 120 کلومیٹر کی متاثر کن رینج حاصل کر سکتے ہیں جبکہ سپورٹس موڈ کو ترجیح دینے پر اس کی رینج 100 کلومیٹر تک رہ جائے گی۔ لہذا، یہاں یہ کہنا درست ہوگا کہ سی ون ائیر کی ڈرائیونگ کا تجربہ آپ کو مایوس نہیں کرے گا۔
پاور پیک
سی ون ایئر صرف سٹائل کی حد تک ہی خوصورت نہیں ہے بلکہ جاذب ںظر ہونے کیساتھ کافی پاورفُل بھی ہے۔ اس میں ایک جدید ترین 72V 35Ah گرافین بیٹری کے ساتھ ساتھ پاورفُل 2000 واٹ کی بیٹری بھی دی گئی ہے۔ اس سکوٹر میں ٹیوب لیس ٹائرز دئیے گئے ہیں جو الائے رم سے لیس ہیں۔ اس کی گراؤنڈ کلئیرنس 170 ملی میٹر ہے یعنی کہ مشکل راستوں پر بھی آسانی سے ڈرائیو کیا جا سکتا ہے۔
ڈیزائن اور سٹائل
Evee سی ون ائیر دو رنگوں میں آتا ہے۔ جن میں میٹ بلیک اور میٹ سِلور رنگ شامل ہیں۔ اس کے نفیس ڈیزائن کی بات کی جائے تو اس میں فرنٹ ڈے ٹائم رننگ لائٹس (DRLs)، ایک ڈیجیٹل میٹر اور آسان موبائل چارجنگ آپشنز جیسے فیچرز نظر آتے ہیں۔ اس کے علاوہ اس میں ٹرنک سپیس بھی دی گئی ہے۔
کیا آپ کے خیال میں اس الیکٹرک سکوٹر کی قیمت جائز ہے؟ کمنٹس سیکشن میں اپنے خیالات کا اظہار کریں۔