کِیا کارنیوال (Soul & Forte) کے ائیر بیگز میں خرابی سامنے آگئی
فورڈ اور نیسان کے بعد اب کِیا ایئر بیگز میں سامنے آنے والی خرابی کو ٹھیک کرنے کے لیے امریکہ میں 410000 سے زیادہ گاڑیاں واپس منگوا رہی ہے۔ رپورٹس کے مطابق کاروں کا ایئر بیگ کنٹرول کمپیوٹر کور میموری چپ کیساتھ رابطے میں آنے کی وجہ سے الیکٹریکل سرکٹ کو نقصان پہنچا سکتا ہے جو گاڑی میں لگے ایئر بیگز کو حادثے کے وقت کام کرنے سے روک سکتا ہے۔ جس سے مسافروں کی جان کو خطرہ لاحق ہو سکتا ہے۔
گاڑی کے مالکان سٹیئرنگ وہیل کے پیچھے گیج کلسٹر پر ائیر بیگ وارننگ لائٹ سے اس مسئلے کی نشاندہی کر سکتے ہیں۔
یہ مسئلہ گزشتہ جولائی میں کوریا میں سامنے آیا تھا۔ اب تک کمپنی کو 13 صارفین کی جانب سے شکایات اور 947 وارنٹی سے متعقلہ دعوے موصول ہوئے ہیں لیکن اس وجہ سے اب تک کوئی حادثہ پیش نہیں آیا ہے۔
کمپنی نے امریکا میں گاڑیاں واپس منگوا لیں
کِیا نے اب صارفین سے کہا کہ وہ ان یونٹس کو واپس ڈیلرشپ پر لے جائیں اور اس مسئلے کو بغیر کوئی قیمت ادا کیے مفت ٹھیک کروئیں۔ یہ کال کِیا سیڈونا (کِیا کارنیوال) کے 2017 سے 2019 کے ماڈلز کِیا سول (Soul) (دونوں پیٹرول اور الیکٹرک ویرینٹس) اور کِیا فورٹ کے 2017 سے 2018 کے ماڈلز کیلئے ہے۔
واپس منگوائی گئی 410,000 گاڑیوں میں سے 108693 فورٹ ہیں، 47690 سیڈونا/کارنیول ہیں، 253281 سول ہیں جبکہ 953 سول ای وی یونٹ ہیں۔
کار مالکان اپنی گاڑیاں قریبی کِیا ڈیلرشپ پر لے جا سکتے ہیں۔ کمپنی کمپیوٹر سافٹ ویئر کو اپ ڈیٹ یا تبدیل کر کے ایئر بیگ کے خراب مسئلے کو حل کرے گی۔
پوری دنیا میں، خاص طور پر امریکہ میں آٹو انڈسٹریز میں کمپنیوں کی طرف سے گاڑیوں کو واپس بلانا عام بات ہے۔ بڑی آٹو کمپنیاں فورڈ اور نیسان نے بھی مختلف وجوہات کی بنا پر اپنی گاڑیاں واپس منگوا چکی ہیں۔ فورڈ نے بریک لائٹ کے مسئلے کی وجہ سے تقریباً 200000 گاڑیاں واپس منگوائی ہیں جبکہ نیسان نے کاروں میں خراب وائرنگ کی وجہ سے آگ لگنے کے خطرے کو دور کرنے کیلئے 790000 سے زیادہ گاڑیاں واپس بلائی ہیں۔
خیال رہے کہ یہ چیزیں آٹوموٹو انڈسٹری میں ہوتی رہتی ہیں اورکمپنیز کی جانب سے اپنی کوتاہیوں کو تسلیم کرنا اور کسی کو تکلیف پہنچنے سے پہلے مسائل کو حل کرنا ایک قابل تعریف عمل ہے۔ یہ ایک مثبت اثر چھوڑتا ہے اور صارفین کا اعتماد بڑھانے میں بھی مدد کرتا ہے۔