فورلینڈ سفاری کی قیمت میں 4 لاکھ روپے کی بڑی کمی
ایک ہفتے سے زائد کا وقت ہو چکا ہے، گاڑیوں کی قیمتوں میں کمی کی لہر تاحال باقی ہے۔ پاک سوزوکی، پیجو پاکستان، کِیا لکی موٹرز اور چنگان موٹرز پاکستان کے بعد فورلینڈ سفاری کی قیمت میں بھی کمی کر دی گئی ہے۔
کمپنی کی جانب سے شئیر کی گئی سوشل میڈیا پوسٹ کے مطابق:
- سفاری 10 سیٹر کی قیمت میں 400000 روپے کمی کی گئی ہے جس کے بعد گاڑی کی قیمت 3999000 روپے سے کم ہو 3599000 روپے ہو گئی ہے۔
- سفاری 7 سیٹر کی قیمت میں 300000 روپے کمی کی گئی ہے جس کے بعد گاڑی کی قیمت 3799000 روپے سے کم ہو کر 3499000 روپے ہو گئی ہے۔
خیال رہے کہ گاڑی کی بکنگ کھلی ہوئی ہے جبکہ کمپنی نے فوری ڈلیوری کی آفر بھی دے رکھی ہے۔
پچھلے کچھ دنوں میں گاڑیوں کی قیمتوں میں نمایاں کمی آئی ہے۔ کِیا سٹونک کی قیمت میں 15 لاکھ روپے کمی کی گئی ہے۔ اسی طرح پیجو 2008 کی قیمت میں 4.5 لاکھ جبکہ سوزوکی سوئفٹ کی قیمت میں 7.1 روپے کمی کی گئی ہے۔
فورلینڈ سفاری کے فیچرز اور خصوصیات
سفاری کے دونوں ویریںٹس میں 1480 سی سی 6 سپیڈ اِن لائن 4 سلنڈر انجن دیا گیا ہے۔ گاڑی کی لمبائی 4200 ملی میٹر، چوڑائی 1680 ملی میٹر، اونچائی 1965 ملی میٹر جبکہ وہیل بیس 270 ملی میٹر ہے۔
سیفٹی فیچرز
فورلینڈ سفاری میں ذیل میں دئیے گئے سیفٹی فیچرز موجود ہیں۔
- ریورس کیمرہ
- ABSبریکنگ سسٹم
- آئسو فکس چائلڈ سیفٹی فٹنگ
- ٹائر پریشر مانیٹرنگ سسٹم (ڈسپلے الارم موجود نہیں)
- ڈے ٹائم رننگ لائٹٓ
- ڈور اوپن پرومپٹ
- پارکنگ بریک وارننگ
- ڈرائیور سیٹ بیلٹ وارننگ
- ریئر ویو مرر ٹرن سگنل
- ہائی ماونٹڈ بریک لیمپ
فورلینڈ سفاری کی قیمت میں کمی کے بارے میں آپ کا کیا خیال ہے؟ کمنٹس سیکشن میں ہمیں بتائیں۔