خوشخبری! کراچی کے شہریوں کیلئے گاڑیوں کی مرمت مفت
ملک بھر میں شدید گرمی کے بعد اب مون سون سیزن کا بھی آغاز ہو چکا ہے۔ کراچی ٹریفک پولیس نے شہریوں کو گاڑیوں کے مسائل سے نمٹنے اور شہر میں ٹریفک کی روانی کو برقرار رکھنے میں مدد کے لیے مفت گاڑیوں کی مرمت کی سروس کا اعلان کیا ہے۔
کراچی ٹریفک پولیس کے ڈپٹی انسپکٹر جنرل (ڈی آئی جی) احمد چیمہ کا کہنا ہے کہ گاڑیوں کی مفت سروس شہریوں کو ایمرجنسی کے دوران سہولت فراہم کرنے کا ذریعہ ہے۔
گاڑیوں کی مفت مرمت
ڈی آئی جی احمد چیمہ کا کہنا ہے کہ کراچی میں 26 پٹرولنگ ٹریفک گاڑیاں ڈیوٹی پر ہیں۔ جن میں 26 میں سے 8 شاہراہ فیصل پر، 5 جنوبی ضلع میں، تین ضلع غربی میں اور باقی اہم شاہراہوں سمیت دیگر مصروف سڑکوں پر گشت کریں گے۔
ان سروس گاڑیوں میں شہریوں کی مدد کے لیے ضروری سامان موجود ہوگا۔
- پنکچر لگانا
- ٹائر کی تبدیلی
- گاڑیون کو کھینچ کر لے جانا
- آگ بجھانا
- جمپ سٹارٹ
یہ سروس ضرورت مند لوگوں کو طبی امداد بھی فراہم کرے گی۔
اگر کوئی گاڑی چلنا بند کر دے تو گشت کرنے والی گاڑیاں گاڑیوں کے مالکان کو دو لیٹر اور موٹر سائیکل مالکان کو آدھا لیٹر پٹرول فراہم کریں گی تاکہ گاڑیاں قریبی پٹرول پمپ تک پہنچ سکیں اور ٹریفک جام سے بچ سکیں۔
اگر کوئی خود کو اس طرح کی ہنگامی حالت میں پاتا ہے تو وہ مدد کے لیے ٹریفک پولیس ہیلپ لائن 1915 پر کال کر سکتا ہے۔
مفت گاڑیوں کی مرمت کی سروس کا آغاز کراچی ٹریفک پولیس کی جانب سے ایک بہترین اقدام ہے کیونکہ مون سون کا موسم کراچی والوں کے لیے کافی پریشانیوں کا باعث بنتا ہے۔ دیگر محکموں کو بھی اس طرز عمل پر عمل کرنا چاہیے اور دوسرے شہروں میں یہ سروس پیش کرنی چاہیے