چنگان پاکستان اپنی پہلی الیکٹرک کار لانے کیلئے تیار
جیسا کہ ہم نے پہلے ذکر کیا تھا پاکستان آٹو شو 2024 جو کہ 25 اکتوبر کو شیڈول ہے، میں متعدد نئی گاڑیاں پیش کی جائیں گی، جو پیٹرول پر چلنے والی گاڑیوں کے شوقین فراد کے علاوہ ہائبرڈ،PHEVs اور الیکٹرک گاڑیوں کے مداحوں کے لیے بہترین آپشنز ہوں گی۔ اطلاعات کے مطابق، PAPS 2024 میں کِیا سپورٹیج، سورینٹو اور ہنڈائی ایلانٹرا کے نئے ہائبرڈ ویریئنٹس جدت اور ٹیکنالوجی کا بہترین امتزاج پیش کریں گے۔
مزید برآں، ایم جی پاکستان نے بھی اپنی HS لائن اپ کو آگے بڑھاتے ہوئے اس میں پلگ اِن ہائبرڈ (PHEV) ویریئنٹ شامل کرنے کا فیصلہ کیا ہے اور ہمیشہ کی طرح ہم نے اِن آنے والی گاڑیوں سے متعلق تمام ضروری تفصیلات فراہم کر دی ہیں۔
دیگر کار کمپنیز کے علاوہ چنگان پاکستان نے بھی اس دوڑ میں شامل ہونے کا اعلان کیا ہے۔ کمپنی نے اپنی مِنی الیکٹرک کار”لومن” کی ٹیزر امیج جاری کی ہے جو PAPS 2024 میں رونمائی کے لیے تیار ہے۔ معلوم ہوا ہے کہ چینی کار ساز نے اپریل 2022 میں “لومن” کو عالمی مارکیٹ میں لانچ کیا تھا۔
چنگان پاکستان نے اپنی اِس گاڑی کے فیچرز اور دیگر خصوصیات کا اعلان نہیں کیا ہے، تاہم ذیل میں مِنی EV کے انٹرنیشنل فیچرز کا ذکر کیا گیا ہے۔
فیچرز اور دیگر خصوصیات
انجن اور پرفارمنس
لومن ابتدائی طور پر دو LFP بیٹری آپشنز کے ساتھ دستیاب تھی۔ یہ بیٹریاں بالترتیب 155 کلومیٹر اور 210 کلومیٹر کی رینج فراہم کرتی ہیں۔ بعد میں، kWh 27.99 بیٹری کا آپشن بھی متعارف کرائی گئی، جو 301 کلومیٹر کی رینج فراہم کرتی ہے۔
لومن میں ایک سنگل الیکٹرک موٹر (FWD) دی گئی ہے جو 30 کلو واٹ(41 hp) کی طاقت پیدا کرتی ہے۔ اس کے علاوہ اس سے بھی زیادہ طاقتور 35 کلو واٹ (48 hp) کی آپشن بھی دستیاب ہوگی۔ اگرچہ یہ پاور اعدادوشمارکے لحاظ سے معمولی لگ سکتے ہیں، لیکن شہر میں گاڑی چلانے کیلئے یہی موزوں ہیں اور ایک زبردست اور موثر ڈرائیونگ کا تجربہ فراہم کرتے ہیں۔
ایکسٹیرئیر ڈیزائن
لومن کارن ایک دلکش اور گولائی پر مبنی بیرونی ڈیزائن کی حامل ہے۔ گول ایل ای ڈی لائٹس، پاپ آؤٹ ڈور ہینڈلز اور ایروڈائنامک ویل کور اس کی جدید اور سٹائلش کشش میں اضافہ کرتے ہیں۔ اس کا سائز 3270/1700/1545 ملی میٹر اور 1980 ملی میٹر وہیل بیس چھوٹی جگہوں میں آسانی سے پارکنگ کی سہولت فراہم کرتے ہیں۔
انٹیرئیر
لومن کارن کے اندر قدم رکھتے ہی حیرت انگیز طور پر کشادہ اور خوبصورتی سے ترتیب شدہ انٹیریئر ملتا ہے۔ سنٹر کنسول میں ایک 10.25 انچ کی فلوٹنگ ٹچ سکرین موجود ہے، جس میں سادہ اور آسانی سے سمجھ آنے والے گرافکس ہیں۔ یہ نیویگیشن، فون، میوزک، ریڈیو اور آٹومیٹک ڈرائیونگ فنکشنز فراہم کرتی ہے۔
لومن کارن کا سنٹر کنسول ایک روٹری گیئر شفٹر اور ڈرائیونگ موڈز منتخب کرنے کے لیے ایک بٹن پر مشتمل ہے۔ گاڑی میں دو موڈز دستیاب ہیں۔ جن میں ایکو اور سپورٹش موڈز شامل ہیں۔
لومن کارن کی سیٹسں عمدہ فیبرک سے تیار کی گئی ہیں اور آرام دہ سواری فراہم کرتی ہیں، تاہم انہیں صرف مینوئلی ایڈجسٹ کیا جا سکتا ہے۔ مزید حفاظت کے لیے، لومن کارن میں بچوں کے لیے آئسو ِفکس فکسنگ پوائنٹس بھی شامل ہیں۔
آپ چنگان کی پاکستان میں آنے والی اس منی EV کے بارے میں کیا سوچتے ہیں؟ نیچے دیئے گئے کمنٹس سیکشن میں ہمیں بتائیں۔