حکومت نے پٹرول کی قیمت 5 روپے فی لیٹر تک کم کر دی
دنیا بھر میں تیل کی قیمتوں میں کمی کے بعد عوام کو سکون کا سانس فراہم کرنے کے لیے حکومتِ پاکستان نے پٹرولیم مصنوعات کی قیمتوں میں کمی کر دی ہے۔
واضح رہے کہ آئل اینڈ گیس ریگولیٹری اتھارٹی نے پٹرولیم ڈویژن کو ایک سمری جاری کی تھی اور زور دیا تھا کہ اتھارٹی پٹرول کی قیمت میں 6 روپے اور ہائی اسپیڈ-ڈیزل کی قیمت میں 7 روپے کی کمی کرے۔ اب نئی قیمتیں کچھ یوں ہیں:
- پٹرول : 111.60 روپے فی لیٹر
- ہائی-اسپیڈ ڈیزل: 122.26 روپے فی لیٹر
- لائٹ-اسپیڈ ڈیزل: 77.51 روپے فی لیٹر
- مٹی کا تیل: 92.45 روپے فی لیٹر
پٹرول کی قیمت میں 5 روپے فی لیٹر کی اور ہائی-اسپیڈ ڈیزل کی قیمت میں بھی 5 روپے فی لیٹر کی کمی کی گئی ہے۔ اس کے علاوہ لائٹ اسپیڈ ڈیزل اور مٹی کے تیل کی قیمتوں میں 7 روپے فی لیٹر کی کمی کی گئی ہے۔ یہ نئی قیمتیں یکم مارچ 2020ء سے لاگو ہوں گی۔
گزشتہ قیمتیں کچھ یوں تھیں:
- پٹرول : 116.60 روپے فی لیٹر
- ہائی-اسپیڈ ڈیزل: 127.26 روپے فی لیٹر
- لائٹ-اسپیڈ ڈیزل: 84.51 روپے فی لیٹر
- مٹی کا تیل: 99.45 روپے فی لیٹر
ہماری طرف سے اتنا ہی، اپنے خیالات نیچے تبصروں میں پیش کیجیے۔