سازگار نے ہیوال H6 سے متعلق سپیشل آفر دے دی
سازگار انجینئرنگ لیمیٹڈ نے مقامی سطح پر تیار کردہ ہیوال H6 کے دو ویرینٹس کی سب سے پہلے بکنگ کروانے والوں کیلئے قیمتوں میں کمی کا اعلان کیا ہے۔
ہیوال H6 کے مقامی سطح پر تیار کردہ یونٹس
کمپنی کا کہنا کہ مقامی سطح پر تیار کردہ ہیوال H6 کے دو ویرینٹس ہیوال H6 1.5T اور ہیوال 2.0T H6رواں ماہ مارکیٹ میں لانچ کیلئے تیار ہیں۔ کمپنی کے مطابق انھیں فخر ہے کہ انھوں نے اعلان کردہ ٹائم لائن کے اندر اس سنگ میل کو عبور کر لیا ہے۔
سازگار نے سب سے پہلے گاڑی کی بکنگ کروانے والوں کیلئے سپیشل آفر کا اعلان کیا ہے۔ وہ صارفین جنہوں نے یہ ویریئنٹس بک کرائے ہیں اور 31 جولائی 2022 سے پہلے جزوی رقم ادا کر دی ہے، انہیں ذیل میں دی گئی خصوصی قیمتیں پیش کی جائیں گی:
ہیوال H6 1.5T 7099000 روپے
ہیوال H6 1.5T 8149000 روپے
یہ پیشکش صرف ان صارفین کے لیے موزوں ہے جنہوں نے 31 جولائی 2022 سے پہلے جزوی ادائیگی کی ہے اور 26 اگست 2022 تک مکمل ادائیگی کر سکتے ہیں۔
اگر کوئی بھی کسٹمر جس نے پہلے ہی جزوی رقم ادا کر دی ہے وہ اس پیشکش سے فائدہ اٹھانے کے لیے تیار نہیں ہے، کمپنی منسوخی کی ایک تحریری درخواست کے بعد جزوی ادائیگی صارف کو واپس کر دے گی۔
ہیوال H6 کی نئی قیمتیں
اسی کے ساتھ ساتھ کمپنی نے ہیوال H6 کی قیمتوں میں کمی کا بھی اعلان کیا ہے۔ کمپنی کا کہنا ہے کہ روپے کی قدر میں اضافے اور ڈالر کی شرح میں کمی کے بعد قیمتوں میں کمی کا فیصلہ کیا گیا ہے۔ گاڑی کی نئی قیمتیں یہ ہیں۔
ہیوال H6 1.5T 7425000 روپے
ہیوال H6 1.5T 8499000 روپے
سازگار کی جانب سے کم کی گئی ان قیمتوں کے بارے میں آپ کا کیا خیال ہے؟ کمنٹس سیکشن میں اپنی رائے کا اظہار کریں۔