ہیول جولین کا فیس لفٹ جلد پاکستان آ رہا ہے، کیا تبدیلیاں ہوں گی؟
سازگار انجینئرنگ نے گزشتہ چند سالوں میں، خاص طور پر پاکستان میں ہیول گاڑیاں متعارف کروانے کے بعد، مقامی مارکیٹ میں ایک مضبوط کار کمپنی کے طور پر اپنی جگہ بنائی ہے۔ کار کمپنیز نے سب سے پہلے دو کراس اوور ایس یو ویز، H6 اور جولین کے پیٹرول ویرینٹس متعارف کروائے۔ بعدازاں، سازگار انجیئرننگ نے ہیوال H6 HEV لانچ کی جس کے بعد کمپنی کے عروج میں مزید اضافہ کیا۔ن یہ ہائبرڈ گاڑی مقامی مارکیٹ میں مکمل طور پر کامیاب ہو چکی ہے اور مقامی سڑکوں پر بہت زیادہ دیکھی جاتی ہے۔ اس کے بعد سازگار انجینئرنگ/ہیوال پاکستان نے جولین کا ہائبرڈ ویرینٹ متعارف کرایا، جو کامیاب رہا اور اب اس گاڑی سے متعلق ایک نئی اپڈیٹ ہے۔
ہیوال جولین کا فیس لفٹ
ہمارے ذرائع نے تصدیق کی ہے کہ کمپنی پاکستان میں ہیول جولین کا فیس لفٹ لانچ کرنے کا منصوبہ بنا رہی ہے، لیکن یہ بتانا ضروری ہے کہ یہ اپ گریڈز گاڑی کے پیٹرول ویریںٹ میں متعارف کروائے جائیں گے۔ ذیل میں نئی آپشنز یا اپ گریڈز کی تفصیلات ہیں جو ہیول جولین فیس لفٹ میں شامل کی جائیں گی:
- ڈی ٹائپ گرل کی جگہ اے ٹائپ فرنٹ گرل
- 2وے ایڈجسٹمنٹ کی جگہ 4 وے ایڈجسٹ ایبل سٹیئرنگ وہیل
- دو کی فوبز، کیونکہ پہلے گاڑی کے ساتھ ایک فوب اور ایک نارمل چابی آتی تھی
- وائس کمانڈ
- اپ گریڈڈ ریئر ڈفیوزر
یہاں فیس لفٹ میں ہونے والی تبدیلیوں کی تصاویر دی گئی ہیں:
ہمارے ذرائع کے مطابق، ہیول جولین فیس لفٹ جلد مارکیٹ میں آنے والی ہے، جس کا مطلب ہے کہ اب مزید انتظار نہیں کرنا پڑے گا۔ دریں اثناء، ہیول پاکستان جلد ہی نئی قیمت کا اعلان بھی کرے گا۔
ہیول جولین فیس لفٹ یقیناً کراس اوور ایس یو وی کی موجودگی اور سیلز میں اضافہ کا باعث بنے گی کیونکہ یہ نئی گرل کے ساتھ زیادہ جدید اور اسٹائلش نظر آتی ہے۔ ہمیں امید ہے کہ یہ ایک دلچسپ اضافہ ہوگا اور مارکیٹ میں مقابلے کو مزید بڑھائے گا۔
آپ ہیول جولین فیس لفٹ کے بارے میں کیا سوچتے ہیں؟ کیا آپ کو لگتا ہے کہ یہ کامیاب ہوگی؟ براہ کرم کمنٹس سیکشن میں اپنی رائے کا اظہار کریں۔