ہںڈا نے اپنی بائکس کیلئے “پرانی دو نئی لو” آفر کا اعلان کر دیا
یاماہا اور پاک سوزوکی کے بعد، اب جاپانی موٹر سائیکل بنانی والی ایک اور کمپنی اٹلس ہنڈا نے بھی اپنی بائکس پر ایک پرکشش ایکسچینج آفر “پرانی دو نئی لو” آفر متعارف کروائی ہے۔
ایک حالیہ سوشل میڈیا پوسٹ میں، اٹلس ہنڈا نے ان لوگوں کے لیے ایک حیرت انگیز پیشکش کا اعلان کیا ہے جو پاور اور قابل اعتماد موٹر سائیکل CB 125F خریدنا چاہتے ہیں۔ آفر کے مطابق، آپ کمپنی کی جانب سے پیش کیے گئے آسان قسطوں کے منصوبے سے فائدہ اٹھاتے ہوئے نئ CB125F حاصل کر سکتے ہیں۔
خیال رہے کہ بائک اور کار کمپنیز قیمتوں میں ہوشربا اضافے کے باعث ہر ماہ گرتی ہوئی سیلز کو بہتر کرنے یا کم از کم برقرار رکھنے کیلئے ایسی آفر متعارف کروا رہی ہیں۔
سوزوکی کی پیشکش
یاماہا پاکستان کے بعد اب پاک سوزوکی نے بھی بائکس کے شوقین افراد کے لیے ایک بہترین آفر کا اعلان کیا ہے۔ یہ محدود آفر سوزوکی بائکس کے مداحوں کے لیے اپنے خوابوں کو حقیقت بنانے کا بہترین موقع ہے۔
اس خصوصی پیشکش کی نمایاں خصوصیات میں سے ایک کم ڈاؤن پیمنٹ ہے۔ خیال رہے کہ پاک سوزوکی نے ڈاؤن پیمنٹ کی شرط کو پچھلے 35 فیصد سے کم کر کے اب 25 فیصد کر دیا ہے۔ صرف یہی نہیں، اس کے علاوہ کمپنی نے بائک کیلئے پروسیسنگ فیس میں بھی 5000 روپے کی خاطر خواہ کمی کر دی ہے۔
پاک سوزوکی نے اس آفر کو صارفین کیلئے مزید دلکش بنانے کیلئے 24 ماہ میں آسان ادائیگی کیلئے انسٹالمنٹس کا منصوبہ بھی پیش کیا ہے۔ 24 ماہ کا ہ ٹائم فریم آپ کو سوزوکی موٹرسائیکل خریدنے کیلئے آپ کے ماہانہ بجٹ کو آسان بناتے ہوئے اپنی ادائیگیوں کو آسان بنانے کی اجازت دیتا ہے۔
اس کے علاوہ صارفین کے فائدے کیلئے ایک اور آسانی پیدا ہے کی گئی ہے یعنی کہ اب خریدار PayPro کے ذریعے اپنی قسطیں ادا کرنے کا انتخاب کر سکتا ہے۔
چونکہ یہ پیشکش ایک محدود مدت کیلئے ہے اسی لیے اپنے لیے سوزوکی بائک خریدنے کا موقع ضائع نہ کریں۔
یاماہا پاکستان کی آفر
ایک ہفتہ قبل کی گئی سوشل میڈیا پوسٹ میں یاماہا پاکستان نے اپنے ‘نیو ایئر سرپرائز’ کے طور پر ایک بہترین انسٹالمنٹ آفر کا اعلان کیا ہے۔
پوسٹ میں لکھا گیا ہے کہ 8 ماہ کے ادائیگی کے پلان اور 0 فیصد مارک اپ کے ساتھ اب آپ کوئی بھی یاماہا کی بائک حاصل کر سکتے ہیں۔ یہاں اہم بات یہ ہے کہ یہ آفر صرف پاکستان کے مخصوص شہروں میں کارآمد ہے جبکہ ماہانہ قسط 25000 روپے ہوگی۔
پاک سوزوکی کی اس نئی پیشکش کے بارے میں آپ کیا کہتے ہیں؟ نیچے دئیے گئے کمنٹس سیکشن میں ہمیں بتائیں۔