ہنڈا سوِک RS ہائبرڈ 81 لاکھ روپے میں لانچ کر دی گئی
ہنڈا سوِک ہائبڑد، یعنی ہندا سوِک HEVآج ملائیشیا میں لانچ کی گئی ہے۔ میڈیا رپورٹس کے مطابق یہ سیڈان 11ویں جنریشن سوک رینج میں ٹاپ آف دی لائن ویرینٹ ہے۔ ہنڈا ملائیشیا نے کار کی قیمت 166500 ملائشین رنگٹ رکھی گئی ہے جو 81 لاکھ پاکستانی روپے بنتی ہے۔ جو کہ ایک ہائبرڈ گاڑی کے لیے مناسب قیمت ہے۔
سائز
یہ ایک سی سیگمنٹ سیڈان ہے جو 4678 ملی میٹر لمبی، 1802 ملی میٹر چوڑی اور 2734 ملی میٹر وہیل بیس کے ساتھ 1415 ملی میٹر لمبی ہے۔ مزید برآں، اس کی گراؤنڈ کلیئرنس 128ملی میٹر ہے۔ ہائبرڈ اجزاء کی شمولیت نے کار کو تقریباً 100 کلو گرام تک مزید وزنی بنا دیا ہے اور اب اس کا وزن 1445 کلوگرام ہے۔ گاڑی میں 72 سیل لیتھیم آئن بیٹری ہے جس کی صلاحیت kWh1.05 ہے، جس کا وزن 37 کلوگرام ہے۔
پاور
نئی سِوک میں استعمال کی گئی الیکٹرک موٹر 181 ہارس پاور اور 315Nm ٹارک پیدا کرتی ہے۔ الیکٹرک موٹر سے پیدا ہونے والی پاورE-CVT کے ساتھ مل کر فرنٹ ویلز کو بھیجی جاتا ہے۔ موٹر کو 2.0 لیٹر نیچرلی ایسپائریٹڈ 4 سلنڈر انجن کے ساتھ جوڑا گیا ہے جو 141 ہارس پاور اور 189Nm ٹارک پیدا کرتا ہے۔
نئی ہنڈا سوک ہائبرڈ 7.9 سیکنڈ میں 0 سے 100 تک پہنچ جاتی ہے۔
فیچرز و دیگر خصوصیات
کار میں درج ذیل نمایاں فیچرز اور خصوصیات ہیں:
- ہنڈا کا سپیشل لوگو
- عقب میں HEV کا نشان
- فرنٹ گرل پر کروم ٹرِم
- ہیڈلائٹ اِنر بیزل
- بلیک انٹیرئیر
- وائرلیس ایپل کارپلے کے ساتھ 9 انچ ٹچ سکرین
- 25 انچ کا مکمل ڈیجیٹل انسٹرومینٹل ڈسپلے
- ڈوئل زون ایئر کنڈیشنگ
- وائرلیس چارجر
- ہنڈا سمارٹ کی کارڈ
- آٹومیٹک ایمرجنسی بریک
- لین کیپ اسسٹ
- لین ڈیپارچر وارننگ
- آٹو ہائی بیم
- ایڈاپٹیو کروز کنٹرول
- فرنٹ وہیکل ڈیپارچر الرٹ
Pictures Credits: Paultan.Org
کمپنی گاڑی کے لیے نئے رنگ پیش کر رہی ہے، جس میں اگنائیٹ ریڈ میٹالِک، کرسٹل بلیک پرل، میٹیورائیڈ گرے میٹالک اور پلاٹینم وائٹ پرل شامل ہیں۔
ہنڈا اٹلس نے اس سال کے شروع میں پاکستان میں سوک کی 11ویں جنریشن کا لانچ کی۔ پاکستان میں ٹاپ آف دی لائن ویریئنٹ RS ٹربو ہے، اور کمپنی کی طرف سے پاکستان میں HEV ویریئنٹ کے اجراء کی کوئی امید نہیں ہے۔