ہنڈا گاڑیوں کی قیمتوں میں 5.5 لاکھ روپے تک کا اضافہ

• Fakiha Iqbal Shah


• 23 Jan 2023

ٹویوٹا کے بعد ہنڈا نے بھی اپنی گاڑیوں کی قیمتوں میں 5.5 لاکھ روپے تک کا اضافہ کر دیا ہے۔ 2023 کے آغاز سے فورا بعد ہی ٹویوٹا اور بائک نے اپنی گاڑیوں کی قیمتیں بڑھا دیں جس کے بعد ہںڈا نے بھی ایسا ہی اقدام اٹھایا ہے۔

23 جنوری 2023 کو جاری کردہ ایک نوٹیفکیشن میں ہنڈا اٹلس پاکستان نے کہا کہ انہیں غیر یقینی معاشی حالات، افراط زر اور غیر ملکی کرنسی کے اتار چڑھاؤ کی وجہ سے اپنی کاروں کی قیمتیں بڑھانے کی ضرورت ہے۔ یہ عوامل کمپنی کے کنٹرول سے باہر ہیں اور اس وجہ سے تقریباً تمام ماڈلز کی قیمتوں میں اضافہ ہوا ہے۔ گاڑیوں کی تمام نئی قیمتیں یہ ہیں:

ہںڈا سٹی کی نئی قیمتیں

• ہنڈا سٹی M/T 1.2L کی قیمت میں 300000 روپے اضافہ ہوا جس کے بعد گاڑی کی قیمت 3769000 روپے سے بڑھ کر 4069000 روپے ہو چکی ہے۔
• اسی طرح ہنڈا سٹی CVT 1.2L کی قیمت میں بھی 300000 روپے اضافہ ہوا جس کے بعد گاڑی کی قیمت 3899000 روپے سے بڑھ کر 4199000 روپے ہو چکی ہے۔
• ہنڈا سٹی CVT 1.5L کی قیمت میں 310000 روپے اضافہ ہوا جس کے بعد گاڑی کی قیمت 4139000 روپے سے بڑھ کر 4449000 روپے ہو چکی ہے۔
• ہنڈا سٹی ایسپائر M/T 1.5L کی قیمت میں 330000 روپے اضافہ کیا گیا ہے جس کے بعد گاڑی کی نئی قیمت 4629000 روپے ہو چکی ہے جبکہ پرانی قیمت 4299000 روپے تھی۔
• ہنڈا سٹی ایسپائر CVT 1.5L کی قیمت میں 320000 روپے اضافہ ہوا جس کے بعد گاڑی کی قیمت 4479000 روپے سے بڑھ کر 4799000 روپے ہو چکی ہے۔

ہنڈا BR-V کی نئی قیمتیں

ہنڈا BR-V کی قیمت میں 360000 روپے اضافہ ہوا ہے جس کے بعد گاڑی کی قیمت 4939000 روپے سے بڑھ کر 5299000 روپے ہو چکی ہے۔

ہںڈا HR-V کی نئی قیمتیں

• ہںڈا  HR-V VTI کی قیمت میں 400000 روپے اضافہ ہوا ہے جس کے بعد گاڑی کی قیمت 5999000 روپے سے بڑھ کر 6399000 روپے ہو چکی ہے۔
• اسی طرح ہںڈا HR-V VTI S کی قیمت میں بھی 400000 روپے اضافہ ہوا ہے جس کے بعد گاڑی کی قیمت 6199000 روپے سے بڑھ کر 6599000 روپے ہو چکی ہے۔

ہنڈا سوِک کی نئی قیمتیں

• ہنڈا سوِک 1.5L M-CVT کی قیمت میں 500000 روپے اضافہ ہوا ہے جس کے بعد گاڑی کی قیمت 6349000 روپے سے بڑھ کر 6849000 روپے ہو چکی ہے۔
• اسی طرح ہنڈا سوِک 1.5L اورئیل M-CVT کی قیمت میں 500000 روپے اضافہ ہوا ہے جس کے بعد گاڑی کی قیمت 6599000 روپے سے بڑھ کر 7099000 روپے ہو چکی ہے۔
• ہنڈا سوِک RS 1.5L LL-CVT کی قیمت میں 550000 روپے اضافہ ہوا ہے جس کے بعد گاڑی کی قیمت 7549000 روپے سے بڑھ کر 8099000 روپے ہو چکی ہے۔