ہنڈا نے اپنی دو الیکٹرک سپورٹس کاروں کی جھلکیاں جاری کر دیں
ہنڈا موٹر کمپنی لمیٹڈ نے حال ہی میں دنیا بھر میں 2030 تک 30 سے زیادہ الیکٹرک گاڑیاں لانچ کرنے کے اپنے منصوبوں کا انکشاف کیا ہے۔ اس کے علاوہ کمپنی نے اپنی دو الیکٹرک سپورٹس کاروں کی جھلکیاں بھی جاری کی ہیں۔
ہنڈا الیکٹرک گاڑیوں کی مارکیٹ میں منتقل ہونے کے لیے جدوجہد کر رہی ہے۔ جاپانی کمپنی ہنڈا کو اس کے حریفوں جیسا کہ ٹویوٹا نے توانائی کی بچت کے معاملے میں پیچھے چھوڑ دیا ہے جبکہ ہنڈا الیکٹرک گاڑیوں کی لائن اپ میں شامل کرنے میں سست روی کا مظاہرہ کر رہی ہے لیکن کمپنی کا ارادہ ہے کہ اس پر کام شروع کیا جائے۔
کمپنی نے 2030 تک شمالی امریکہ میں 500000 سے زیادہ الیکٹرک گاڑیاں فروخت کرنے کے اپنے منصوبوں کا اعلان کیا۔ اس نے مستقبل قریب میں دو لانچ ہونے والی دو الیکٹرک سپورٹس کاروں کی جھلکیاں بھی جاری کی ہیں لیکن لانچ کی تاریخ کا اعلان نہیں کیا۔ کمپنی نے ایک کار کو “اسپیشلٹی” ماڈل جبکہ دوسری کو “فلیگ شپ” ماڈل کا نام دیا ہے۔
سپیشلٹی ماڈل
یہ کار سائز میں کافی لمبی ہے اور دیکھنے میں پرانی سپورٹس کار کے ماڈلز سے ملتی جلتی ہے۔ کار کا ڈیزائن روایتی سپورٹس گاڑیوں جیسا ہے۔
فلیگ شپ ماڈل
فلیگ شپ ماڈل کا فرنٹ سپیشلٹی ماڈل کی نسبت چھوٹا ہے۔ گاڑی کی اونچائی اور لمبائی بھی کم ہے۔ یہ کار دیکھنے میں ہنڈا NSX سے ملتی جلتی ہے۔
یہ کاریں ابتدائی طور پر شمالی امریکہ اور یورپ میں پیش کی جائیں گی جبکہ بعدازاں وہ عالمی سطح پر دستیاب ہوں گی۔
ان گاڑیوں کے بارے میں آپ کا کیا خیال ہے۔ کمنٹس سیکشن میں اپنی رائے کا اظہار کریں۔