ہونری وی – پاکستان کی پہلی مقامی الیکٹرک گاڑی جو IDEAS 2024 میں پیش کی جائے گی
پاکستان کی الیکٹرک وہیکل (EV) انڈسٹری میں حالیہ دنوں میں سرگرمیوں کا سلسلہ زور پکڑ رہا ہے، جہاں متعدد مینوفیکچررز مارکیٹ میں داخل ہو رہے ہیں۔ حال ہی میں چنگان پاکستان کے برانڈ دیپال اور الیکٹرک کارز کے معروف برانڈ BYD نے ملک کی آٹو انڈسٹری کو الیکٹرک گاڑیوں کی دنیا میں دھکیلنے کا آغاز کر دیا۔
ایک تازہ پیش رفت کے مطابق، ہونری وی (Honri Ve) پاکستان کی پہلی مقامی طور پر اسمبل کی گئی الیکٹرک گاڑی کے طور پر 12ویں انٹرنیشنل ڈیفنس ایگزیبیشن اینڈ سیمینار (IDEAS) 2024 میں پیش کی جائے گی، جو ملک کی آٹوموٹیو صنعت کے لیے ایک اہم سنگ میل ہے۔
IDEAS 2024، جو 19 سے 22 نومبر تک منعقد ہو رہا ہے، میں ہونری وی کا لانچ دیکھا جائے گا۔ یہ گاڑی ایک پائیدار اور ماحول دوست ٹرانسپورٹیشن حل کے طور پر دیوان موٹرز کے ذریعہ تیار کی گئی ہے۔ یہ لانچ دیوان موٹرز کے ماحول دوست ٹیکنالوجی اور جدت کے عزم کو ظاہر کرتا ہے۔
ہونری وی 2.0 (فیچرز اور خصوصیات)
ہونری وی ٹرنری لیتھیم بیٹری اور پرمنینٹ سنکرونس موٹر کے ساتھ آتی ہے جو 30 کلو واٹ کی زیادہ سے زیادہ پاور اور 84 نیوٹن میٹر ٹارک کے ساتھ 100 کلومیٹر فی گھنٹہ کی زیادہ سے زیادہ رفتار فراہم کرتی ہے۔ مزید برآں، اس کار کی چارجنگ ٹائم سات گھنٹے ہے اور فی چارج 200 کلومیٹر کی رینج فراہم کرتی ہے۔
نئی الیکٹرک گاڑی کے فرنٹ میں ڈسک بریکس اور پیچھے ڈرم بریکس کے ساتھ 155/65/R15 سائز کے ٹائرز اور الائے رمز ہیں۔ اس کے علاوہ، اس میں رئیر سپائلر، ہیلوجن ہائیٹ ایڈجسٹ ایبل فرنٹ ہیڈلیمپس، انڈیکیٹرز کے ساتھ ڈوئل ٹون سائیڈ ویو مررز، کروم اور بلیک فرنٹ گرِل، اور ڈی آر ایل بھی موجود ہیں۔
گاڑی کے انٹیریئر کی بات کریں تو یہاں الیکٹرک پاور سٹیئرنگ، نوب ٹائپ ٹرانسمیشن، ڈرائیور اور مسافر دونوں کے لئے 4-وے سیٹ ایڈجسٹمنٹ، ریئر ویو کیمرا، فرنٹ اور ریئر الیکٹرک ونڈوز، ریئر سیٹ فولڈنگ، 5 انچ کا کلر انسٹرومنٹ کلسٹر، 10.25 انچ انفوٹینمنٹ سکرین اینڈرائیڈ سسٹم جیسے فیچرز دئیے گئے ہیں۔
ہونری وی 3.0 (سٹائل، پاور اور پرفارمنس)
ہونری وی 3.0 ایک مرتبہ چارج کرنے پر 300 کلومیٹر تک کا سفر کر سکتی ہے ۔ گاڑی کو عام ڈومیسٹک چارجر سے مکمل طور چارج کرنے میں صرف 7 گھنٹے لگتے ہیں۔
گاڑی میں پرمنینٹ میگنیٹک سنکرونس موٹر دی گئی ہے جو 35 کلو واٹ کی پاور اور 87 نیوٹن میٹر کا ٹارک فراہم کرتی ہے جو 100 کلومیٹر فی گھنٹہ کی زیادہ سے زیادہ رفتار کے ساتھ آرام دہ ڈرائیونگ فراہم کرتی ہے۔ 29.9 کلو واٹ آور کی لیتھیم آئرن فاسفیٹ بیٹری اپنی پائیداری کے لئے مشہور ہے۔
گاڑی میں درج ذیل فیچرز بھی شامل ہیں:
- ریئر ویو کیمرا: پارکنگ اور تنگ جگہوں پر گاڑی چلانا آسان بناتا ہے۔
- ٹائر پریشر مانیٹرنگ سسٹم: اضافی حفاظت کے لئے آپ کو ٹائر کے مسائل سے آگاہ کرتا ہے۔
- 220V اے سی چارجنگ گن: گھر میں عام آؤٹ لیٹ کا استعمال کرتے ہوئے گاڑی کو آسانی سے چارج کریں۔
آپ ہونری وی 2.0 اور 3.0 کی مقامی پیداوار کے بارے میں کیا سوچتے ہیں؟ اگر آپ کے پاس ایک الیکٹرک ہیچ بیک خریدنے کا بجٹ ہو، تو کیا آپ ہونری وی کا انتخاب کریں گے؟ اپنی رائے کمنٹس سیکشن میں بتائیں۔