وفاقی حکومت نے حال ہی میں موٹر سائیکل مالکان کے لیے فیول سبسڈی اسکیم کا اعلان کیا ہے۔ پنجاب، سندھ اور خیبر پختونخوا نے اپنے اپنے طریقہ کار کے مطابق رجسٹریشن شروع کر دی ہے۔ ذیل میں پنجاب کے لیے مرحلہ وار گائیڈ دی گئی ہے۔
بائیکرز فیول سبسڈی اسکیم کیا ہے؟
اس اسکیم کے تحت حکومت آپ کو پیٹرول کے لیے ہر ماہ 2,000 روپے دے گی۔ حکومتی الفاظ میں یہ “20 لیٹر پیٹرول پر 100 روپے فی لیٹر سبسڈی” ہے، جو ماہانہ 2,000 روپے بنتی ہے۔ یہ رقم آپ کو موبائل ایپ یا SMS کے ذریعے موصول ہوگی جسے آپ پیٹرول پمپ پر استعمال کر سکیں گے۔
پنجاب میں اپلائی کرنے کا طریقہ
اگر آپ کا تعلق پنجاب سے ہے اور آپ کی بائیک بھی پنجاب میں رجسٹرڈ ہے، تو آپ دو طریقوں سے اپلائی کر سکتے ہیں:
-
ہیلپ لائن 100 پر کال کرکے۔
-
“مریم کو بتائیں” موبائل ایپ استعمال کرکے۔
رجسٹریشن کے لیے لازمی شرائط
اپلائی کرنے سے پہلے یقینی بنائیں کہ آپ ان شرائط پر پورا اترتے ہیں:
-
بائیک آپ کے اپنے نام پر رجسٹرڈ ہونی چاہیے۔
-
بائیک کی رجسٹریشن پنجاب کی ہونی چاہیے۔
-
بائیک 70cc ہونی چاہیے (70cc سے زیادہ کی بائیک اہل نہیں ہوگی)۔
-
آپ کا موجودہ رہائشی پتہ پنجاب کا ہونا چاہیے۔
ایپ کے ذریعے رجسٹریشن کا طریقہ (مرحلہ وار)
رجسٹریشن شروع کرنے سے پہلے اپنا شناختی کارڈ (CNIC) اور بائیک کا چیسس نمبر (Chassis Number) پاس رکھیں۔
مرحلہ 1: ایپ ڈاؤن لوڈ کریں
گوگل پلے اسٹور یا ایپل ایپ اسٹور سے “Maryam ko Batayn” ایپ ڈاؤن لوڈ کریں۔
مرحلہ 2: اکاؤنٹ بنائیں (Sign Up)
ایپ کھولیں اور “Sign up” پر کلک کریں۔ اپنا نام، شناختی کارڈ نمبر، ای میل، موبائل نمبر، تاریخ پیدائش اور پاس ورڈ درج کریں۔
مرحلہ 3: موبائل نمبر کی تصدیق (OTP)
آپ کے موبائل نمبر پر SMS کے ذریعے 10 ہندسوں کا کوڈ (OTP) آئے گا، اسے ایپ میں درج کر کے تصدیق کریں۔
مرحلہ 4: سبسڈی کا انتخاب
لاگ ان کرنے کے بعد مین اسکرین پر موجود “Bike Petrol Fuel Subsidy” کے آپشن پر کلک کریں۔
مرحلہ 5: معلومات کا اندراج
بائیک سے متعلق مطلوبہ حتمی معلومات فراہم کریں اور درخواست جمع کروا دیں۔
مرحلہ 6: منظوری کا انتظار
درخواست جمع ہونے کے بعد آپ کو ایک “Request ID” ملے گی۔ آپ ایپ کے اندر “Pending Requests” سیکشن میں جا کر اپنی درخواست کی صورتحال (Status) چیک کر سکتے ہیں۔
تبصرے بند ہیں.