ہیونڈائی ٹوسان الٹیمیٹ بمقابلہ جی ایل اس اسپورٹ: ایک کمپیریزن
ہیونڈائی نشاط موٹرز نے کل پاکستان میں اپنی ٹوسان SUV لانچ کر دی ہے۔ کمپنی نے اس گاڑی کے دو ویرینٹس متعارف کروائے ہیں، ایک ٹوسان Ultimate اور دوسرا GLS اسپورٹ۔
ویسے تو دونوں میں بہت ساری چیزیں ایک جیسی ہیں، جیسا کہ انجن، ٹرانسمیشن اور ایئربیگز؛ لیکن دونوں گاڑیوں میں کچھ فرق بھی ہے۔
اس آرٹیکل میں ہم ان دونوں ویرینٹس کے درمیان اہم فرق اور ان میں پائی جانے والی یکسانیت یعنی ایک جیسی چیزوں پر بات کریں گے۔
ٹوسان کے ویرینٹس میں فرق:
سیٹ فیبرک:
پہلا فرق جو ہم نے ان دونوں کاروں میں دیکھا وہ انٹیریئر میں ہے۔ کمپنی کے مطابق GLS اسپورٹ فیبرک کی سیٹوں کے ساتھ آئے گی جبکہ Ultimate میں چمڑے کی سیٹیں ہوں گی۔
AWD اور FWD:
GLS اسپورٹ فارورڈ ویل ڈرائیو ہے، جبکہ Ultimate ویرینٹ آلِ ویل ڈرائیو ہے، جو ان دونوں کے درمیان ایک اور فرق ہے۔
ہینڈز فری پاور ٹیل گیٹ سسٹم:
ٹوسان Ultimate ہینڈز فری پاور ٹیل گیٹ سسٹم رکھتی ہے، جبکہ GLS اسپورٹ میں یہ فیچر موجود نہیں۔
پاور سیٹ:
GLS اسپورٹ میں ڈرائیو 2-وے لمبر سپورٹ کے ساتھ ایک 8-وے پاور سیٹ رکھتا ہے، جبکہ کمپنی نے Ultimate ویرینٹ میں 8-وے پاور ڈرائیو سیٹ، 2-وے لمبر سپورٹ اور 8-وے پاور سیٹ لگا رکھی ہے۔
فیول مائلیج:
ہیونڈائی نے ٹوسان کے فیول ایوریج کے حوالے سے اب تک کوئی تفصیل پیش نہیں کی، اور ہمیں ایوریج کے بارے میں تبھی پتہ چلے گا جب یہ گاڑی سڑک پر چلے گی۔ لیکن ہم امید کرتے ہیں کہ اس کا ایوریج کِیا اسپورٹیج کے FWD اور AWD ویرینٹس جیسا ہوگا۔
کِیا اسپورٹیج AWD کا فیول ایوریج شہر کے اندر 10 کلومیٹرز فی لیٹر اور ہائی وے پر 12 کلومیٹرز فی لیٹر ہے۔ جبکہ اسپورٹیج FWD کا فیول ایوریج شہر کے اندر 12 کلومیٹرز فی لیٹراور لمبے روٹ پر 14 کلومیٹرز فی لیٹر ہے۔
ٹوسان ویرینٹس کی قیمت:
GLS اسپورٹ آپ کو 48,99,000 کا پڑے گا، جبکہ ٹوسان Ultimate کی قیمت 53,99,000 ہے۔ یاد رہے کہ یہ ایکس-فیکٹری قیمتیں ہیں۔
ٹوسانویرینٹس میں یکسانیت:
انجن، ٹرانسمیشن:
دونوں ویرینٹس 1999cc انجن کے ساتھ آتے ہیں، جو 6200RPMپر 155hp اور 4000RPMپر 196N-M ٹارک پیدا کرتا ہے، اور 6-اسپیڈ آٹومیٹک پلس ٹپ ٹرونک ٹرانسمیشنز سے لیس ہیں۔
ڈائی مینشنز:
کمپنی نے دونوں ویرینٹس ایک جیسی dimensions میں متعارف کروائے ہیں یعنی 4480mm لمبی، 1850mm چوڑی اور 1660mm اونچی۔
ویل سائز:
دونوں ویرینٹس 18-انچ ویل سائز میں لانچ کیے گئے ہیں، الائے رِمز اور 225/55 R18 ٹائر سائز میں۔
ٹوسان ویرینٹس کی بکنگ اور وارنٹی:
آپ دونوں ویرینٹس 15,00,000 روپے ادا کرکے بُک کروا سکتے ہیں، کمپنی 4 سال/1,00,000 کلومیٹرز کی وارنٹی دیتی ہے۔