ایک لمبے انتظار کے بعد ہںڈا سٹی کار لانچ کردی گئی ہے۔ چند روز قبل رائل پام لاہور میں گاڑی کی لانچن کے لیے ایونٹ کا انعقاد کیا جہاں گاڑی کی پانچ ویریںٹس کی قیمتوں کا بھی باقاعدہ اعلان کیا گیا جو کہ 26 اور 31 کے درمیان بتائی گئی تھیں۔ ایسے میں اہم ترین سوال یہ ہے کہ کیا ہنڈا سٹی کی قیمت زیادہ رکھی گئی ہے؟
راؤنڈ 1: پرانی جنریشن کی گاڑی
گزشتہ 12 سالوں سے پاکستانی صارفین 5 جنریشن ہںڈا سٹی ہی استعمال کر رہے ہیں جو کہ 2009 میں متعارف کروائی گئی تھی۔ یہی وجہ تھی کہ پاکستانی صارفین کئی سالوں سے نئی ہنڈا سٹی کا انتظار کر رہے تھے اور جب کمپنی نے نئی سٹی کی لانچنگ کی بارے اعلان کیا تو صارفین میں اس بارے زبردست جوش و خروش دیکھا گیا۔ صارفین کا خیال تھا کہ پاکستان پاکستان میں بھی وہی 7 جنریشن سٹی لانچ کی جائے گی جو 2019 میں عالمی سطح پر لانچ کی گئی تھی لیکن حیران کن طور پر ایسا کچھ بھی نہیں ہوا بلکہ کمپنی نے روایتی طور پر پرانی 6 جنریشن سٹی لانچ کی جس نے صارفین کی امیدوں پر پانی پھیر دیا۔
راؤنڈ 2: گاڑی کی قیمت اور فیچرز کو چھپایا گیا:
کمپنی کی جانب سے پاکستان میں 6 جنریشن ہنڈا سٹی لانے کی خبر کے باوجود پاکستانی عوام نے صبر کا مظاہرہ کیا اور گاڑی کی بکنگز کروانا شروع کردیں۔ دلچسپ بات یہ ہے کہ کمپنی نے بکنگز کا آغاز تو کردیا لیکن قیمت کے ساتھ ساتھ گاڑی کے فیچرز اور خصوصیات بارے کوئی تفصیلات جاری نہیں کی گئیں۔ کمپنی نے صرف یہ اعلان کیا کہ پاکستان میں 6 جنریشن سٹی لانچ کی جائے گی، صارفین کو گاڑی کے 2 لوئر ویریںٹس کی بکنگ کے لیے 10 لاکھ جبکہ 3 ٹاپ ویریںٹس کی بکنگ کے لیے 12 لاکھ روپے کی ادائیگی کرنا ہوگی۔ جس کے بعد 12 ہزار صارفین نے گاڑی کی قیمت اور فیچرز جانے بغیر گاڑی کی بکنگ کروالی۔
فائنل راؤنڈ: گاڑی کی قیمت زیادہ رکھی گئی:
کئی ماہ کے انتظار کے بعد ہںڈا پاکستان نے آفیشلی طور پر 6 جریشن سٹی لانچ کی جہاں اس کی قیمت بھی بتائی گئی جو کہ اپنے مد مقابل گاڑیوں ٹویوٹا یارس، پروٹون ساگا اور چنگان ایلسون کی نسبت زیادہ ہے۔
اگرچہ کمپنی نے 6 جنریشن سٹی لانچ کی ہے لیکن پھر بھی یہ گاڑی 5 جنریشن سٹی سے کئی گنا بہتر ہے۔ اس بی سیگمنٹ سیڈان میں بہت سے ایسے فیچرز ہیں جو پرانی گاڑی میں نہیں پائے جاتے۔ مختصر یہ کہ نئی ہنڈا سٹی کی قیمت زیادہ مقرر کی گئی ہے۔
