اسلام آباد پولیس نے ڈیجیٹل ڈرائیونگ لائسنس متعارف کروا دیا
ایک اہم پیش رفت میں کے مطابق اسلام آباد کے رہائشی اب اپنے گھروں میں آرام سے ڈرائیونگ لائسنس حاصل کر سکتے ہیں۔ یہ اقدام اسلام آباد کیپٹل سٹی پولیس آفیسر (ICCPO) ڈاکٹر اکبر ناصر خان کی ہدایات کے بعد سامنے آیا ہے جو عوام کیلئے آسانیاں پیدا کرنے اور شہریوں کیلئے خدمات کو بڑھانے کے عزم کی عکاسی کرتا ہے۔
تفصیلات
ڈرائیونگ لائسنس کے اجراء کو ڈیجیٹلائز کرنے کا یہ انقلابی قدم انتظامی کاموں کے لیے ٹیکنالوجی کو اپنانے کے عالمی رجحان کے عین مطابق ہے۔ پبلک ریلیشن آفیسر کے مطابق ڈیجیٹل/ورچوئل ڈرائیونگ لائسنس خاص طور پر وفاقی دارالحکومت کے رہائشیوں کے لیے بنایا گیا ہے۔
یہ عمل صارف دوست ہے جس سے شہریوں کو سرکاری ویب سائٹ پر اپنا قومی شناختی کارڈ نمبر، ڈرائیونگ لائسنس نمبر، اور میعاد ختم ہونے کی تاریخ درج کرکے اپنے ورچوئل لائسنس ڈاؤن لوڈ کرنے کی اجازت ملتی ہے۔
اسلام آباد پولیس کے اہلکار نے اس بات پر زور دیا کہ اس اقدام کا مقصد ڈرائیونگ لائسنس کے حصول اور تجدید کے مشکل عمل کو آسان بنانا ہے۔ ورچوئل ڈرائیونگ لائسنس پلیٹ فارم نہ صرف سہولت فراہم کرتا ہے بلکہ کاغذی کارروائی کو کم کرنے کی طرف ایک ترقی پسند اقدام کی نمائندگی کرتا ہے۔
پنجاب میں ڈرائیونگ لائسنس آن لان ری نیو کروائیں
ڈیجیٹلائزیشن کی طرف مزید ایک قدم بڑھاتے ہوئے پنجاب حکومت نے ڈرائیونگ لائسنس کے لیے آن لائن ری نیوی کروانی کی سہولت متعارف کروائی ہے۔ اس سے قبل حکومت نے اعلان کیا تھا کہ شہری اپنے لرنر پرمٹ کی آن لائن تجدید کر سکتے ہیں۔
لاہور سٹی ٹریفک پولیس کی ایک ٹویٹ کے مطابق لوگ آن لائن سسٹم کے ذریعے اپنے لائسنس کی تجدید کروا سکتے ہیں۔ اس کے علاوہ امیدوار اپنے لائسنس کی تجدید ایک، تین، پانچ اور دس سال کے لیے بھی کر سکتے ہیں۔ دریں اثنا، بین الاقوامی ڈرائیونگ لائسنس تین سال تک کارآمد رہے گا۔