اٹالین اپریلیا بائیک پاکستان میں دوبارہ لانچ
راوی آٹوموبائل نے پاکستان میں ایک مرتبہ پھر اٹالین بائیک برانڈ اپریلیا (Aprilia) لانچ کر دیا ہے ۔ لاہور میں قائم کمپنی موٹر سائیکلوں کے شوقین مقامی لوگوں کے لیے اپریلیا RS 660 پیش کر رہی ہے۔ قابلِ ذکر بات یہ ہے کہ یہ موٹر سائیکل بین الاقوامی سطح پر 2020 میں لانچ ہوئی ہے۔
2018 میں راوی نے یہی برانڈ لانچ کیا تھا، اور یہ 2019ء کے وسط تک مارکیٹ میں موجود رہا۔
اپریلیا RS 660 کی بکنگ:
کمپنی کے مطابق موٹر سائیکل کی بکنگ پہلے ہی بند ہو چکی ہے۔ بکنگ کی آخری تاریخ 21 نومبر 2020 تھی۔ ذرائع کے مطابق کمپنی نے کافی تعداد میں موٹر سائیکلیں بک کی ہیں۔ یہ تعداد لوکل مارکیٹ پر کافی اثر ڈالے گی۔
اس کے علاوہ کمپنی تقریباً فروری-مارچ 2021 میں نئی بکنگ کھولے گی۔
ڈلیوری:
کمپنی کے ذرائع کے مطابق خریداروں کو مارچ 2021 میں اپنی موٹر سائیکلیں ملیں گی۔
اپریلیا RS 660 کی قیمت:
موٹر سائیکل کی تعارفی قیمت 20 لاکھ روپے ہے۔ اس کے علاوہ، کمپنی بغیر کسی اضافی ٹیکس کے اس قیمت پر موٹر سائیکل ڈلیور کرے گی۔
اپریلیا RS 660 کے فیچرز:
اس بائیک کے نمایاں فیچرز یہ ہیں:
انجن:
یہ موٹر سائیکل 659cc کے 4- اسٹروک انجن کے ساتھ آتی ہے۔ یہ واٹر-آئل ریڈی ایٹر اور ہیٹ ایکسچینجر کے ساتھ لکوئیڈ-کولڈ، ڈبل اوور ہیڈ کیم شافٹس (DOHC) ہے جس میں خاموش چَین دائیں جانب ہے۔ موٹر سائیکل فی سلنڈر چار والوز رکھتی ہے۔
زیادہ سے زیادہ پاور اور ٹارک:
موٹر سائیکل 10,500 rpm پر زیادہ سے زیادہ 100hp اور 8,500 rpm پر 67Nm پیدا کرتی ہے۔
گیئر ٹرانسمیشن اور کلچ:
کمپنی نے اپریلیا کوئیک شفٹ (AQS) اپ اینڈ ڈاؤن کے ساتھ 6 گیئرز انسٹال کیے ہیں۔ اس کے علاوہ موٹر سائیکل مکینیکل سلپ سسٹم کے ساتھ ملٹی-پلیٹ ویٹ کلچ رکھتی ہے۔
اپریلیا RS 660 کا فریم:
موٹر سائیکل کا فریم ریموویبل سیٹ سپورٹ سب فریم کے ساتھ المونیم ڈوئل بیم سے بنا ہے۔
بریکنگ سسٹم:
موٹر سائیکل فرنٹ پر 320mm ڈایامیٹر کی ڈبل ڈسک کے ساتھ ABS رکھتی ہے۔ جبکہ پچھلے ٹائر میں بریمبو کیلیپر کی 220mm ڈسک ہے۔
نتیجہ:
ہمارے خیال میں اپریلیا RS 660 پاکستان میں ایک دلچسپ اضافہ ہے۔ موٹر سائیکلوں کے شوقین افراد کے پاس زبردست رائیڈ کے لیے ایک بہترین آپشن آئے گا۔ ہماری نظریں مقامی سڑکوں پر اس موٹر سائیکل کو دوڑتے دیکھنے پر لگی ہوئی ہیں۔ پاکستان کی بائیک مارکیٹ تین بڑی کمپنیوں کی گرفت میں ہے، ہونڈا، یاماہا اور سوزوکی، لیکن ان نئی موٹر سائیکلوں کی آمد سے صارفین کے پاس مزید آپشنز آئیں گے، جس سے مقابلے کی فضاء بڑھے گی۔
تفصیلی فیچرز اور خصوصیات کے لیے یہ پڑھیں
