کِیا نے ایک ماہ میں دوسری بار قیمتوں میں کمی کر دی

• Sulman Ali


• 31 Oct 2023

رواں ماہ کے اوائل میں کِیا پاکستان پہلی کار کمپنی تھی جس نے سب سے پہلے اپنی کاروں کی قیمتوں میں کمی کا اعلان کیا۔ کمپنی نے امریکی ڈالر کے مقابلے روپے کی قدر میں اضافے کی وجہ سے اپنی مختلف گاڑیوں کی قیمتوں  میں کمی کا اعلان کیا۔ کمپنی نے اپنے بیان میں کہا کہ کمپنی اپنے صارفین تک فائدہ پہنچا پر خوش ہے۔ یہ فیصلہ کِیا کے اپنے وفادار کسٹمرز تک فائدہ پہنچانے کے عزم کی عکاسی کرتا ہے۔

اب کمپنی نے ایک ماہ کے اندر دوسری بار قیمت میں کمی کا اعلان کیا ہے۔ خیال رہے کہ نئی قیمتیں 31 اکتوبر 2023 سے لاگو ہوں گی۔

کِیا گاڑیوں کی نئی قیمتیں

کِیا لکی موٹرز نے سورینٹو اور کِیا کارنیول کی قیمتوں میں کمی کا اعلان کیا ہے۔ خیال رہے کہ کمپنی نے مکمل ادائیگی اور ماہانہ اقساط پر مختلف قیمتوں میں کمی کا اعلان کیا ہے۔

کِیا سورینٹو کی نئی قیمت

• مکمل ادائیگی پر سورینٹو 4L FWD کی پچھلی قیمت 1030000 روپے تھی جبکہ اب نئی قیمت  8999000ہے، یعنی گاڑی کی قیمت میں 1301000 روپے کی کمی کی گئی ہے۔ اس کے علاوہ یکساں ماہانہ قسط پر اسی کار کی قیمت 10800000 روپے تھی اور 1601000 روپے کی کمی کے بعد اس کی نئی قیمت 9199000 روپے ہے۔
• مکمل ادائیگی پر سورینٹو 4L AWDکی قیمت 11200000 روپے تھی جبکہ 1951000 روپے کی کمی کے بعد گاڑی کی نئی قیمت 1951000 روپے ہے۔  دریں اثنا ماہانہ اقساط پر گاڑی کی نئی قیمت 9449000 روپے جبکہ اس سے قبل پرانی قیمت 11700000 ہے۔ یعنی کہ قیمت میں 2251000 روپے کی کمی کی گئی ہے۔
• مکمل ادائیگی ادائیگی پر سورینٹو 5L FWD کی قیمت 11290000 روپے تھی اور اب قیمت میں 1791000 روپے کی کمی کے بعد اب اس کی قیمت 9499000 روپے ہے۔ اس کے علاوہ ماہانہ اقساط پر اس گاڑی کی قیمت 11790000 روپے تھی جو کہ اب 9699000 روپے ہو چکی ہے یعنی 2091000 روپے کی کمی کی گئی ہے۔

کِیا کارنیول کی نئی قیمت

کیا کارنیول ایگزیکیٹیو کی نئی قیمت اب 16000000 روپے ہو چکی ہے جبکہ پرانی قیمت 17150000 روپے تھی۔ یعنی گاڑی کی قیمت میں 1150000 روپے کی کمی کی گئی تھی۔

شرائط و ضوابط

• 31 اکتوبر 2023 سے تمام آرڈرز نئی سابقہ ​​فیکٹری قیمتوں پر انوائس کیے جائیں گے۔
• ایل ایم سی سسٹم میں بک کیے گئے تمام نئے آرڈرز، جو 31 اکتوبر 2023 سے لاگو ہوں گے، نئی ایکس ​​فیکٹری قیمتوں پر ڈیلیور کیے جائیں گے۔
• سورینٹو اور کارنیول کی نئی قیمتیں 31 دسمبر 2023 تک محدود وقت کے لیے ہیں۔
• ایکس فیکٹری ​​قیمتیں فریٹ اور انشورنس چارجز کے علاوہ ہیں۔
• حکومت کی جانب سے عائد کی جانے والی نئی/اضافی ڈیوٹی اور ٹیکس، ڈیلیوری کے وقت لاگو ہوگا جو صارف برداشت کرے گا۔