25 فیصد GST – کِیا گاڑیوں کی قیمتوں میں مزید اضافہ

• Sulman Ali


• 10 Mar 2023

وفاقی حکومت نے گزشتہ روز لگژری اشیاء پر 25 فیصد جنرل سیلز ٹیکس (جی ایس ٹی) نافذ کر دیا تھا۔ فیڈرل بورڈ آف ریونیو (ایف بی آر) نے آج اس نئے ٹیکس کی تصدیق کرتے ہوئے SRO 297(1)/2023 کے تحت ایک نیا سیلز ٹیکس نوٹیفکیشن جاری کیا۔ لیکن، کچھ گاڑیاں جو 1400 سی سی کاریں نہیں تھیں انہیں بھی اس ٹیکس کا سامنا ہے۔ اس ٹیکس سلیب میں تمام مقامی طور پر اسمبل شدہ 1400 سی سی اور اس سے اوپر کی کاریں شامل تھیں، لیکن غور کرنے والی اہم بات یہ تھی کہ مقامی طور پر تیار کردہ یا اسمبل شدہ SUVs اور CUVs، حتیٰ کہ 1400 سی سی سے کم انجن والی گاڑیوں کو بھی شامل کیا گیا تھا اور اسی وجہ سے ہم نئی قیمت کی توقع کر رہے تھے اور اب کِیا کی گاڑیوں کی قیمتوں میں ایک بار پھر اضافہ کر دیا گیا ہے۔

ایک نوٹیفکیشن میں، کِیا لکی موٹرز نے کہا ہے کہ سیلز ٹیکس کی شرح میں 18 فیصد سے 25 فیصد تک اضافے کی وجہ سے 8 مارچ 2023 سے لاگو ہونے والی ایکس فیکٹری قیمتوں پر نظر ثانی کی گئی ہے۔

کِیا کی نئی گاڑیاں

کِیا سپورٹیج

• کِیا سپورٹیج ایلفا کی قیمت میں 400000 روپے اضافہ کیا گیا ہے۔ جس کے بعد گاڑی کی قیمت 6650000 روپے سے بڑھ کر 7050000 روپے ہو چکی ہے۔
• اسی طرح کِیا سپورٹیج فرنٹ وہیل ڈرائیو کی نئی قیمت 7790000 روپے ہو چکی ہے جبکہ پرانی قیمت 7350000 روپے تھی۔ یعنی گاڑی کی قیمت میں 440000 روپے اضافہ کیا گیا ہے۔
• کِیا سپورٹیج آل وہیل ڈرائیو کی قیمت میں 470000 روپے اضافہ کیا گیا ہے۔ جس کے بعد گاڑی کی قیمت 7900000 روپے سے بڑھ کر 8370000 روپے ہو چکی ہے۔

کِیا سٹونک

• کِیا سٹونک ای ایکس کی نئی قیمت 5200000 روپے ہے جبکہ پرانی قیمت 4900000 روپے تھی۔ یعنی گاڑی کی قیمت میں 300000 روپے اضافہ کیا گیا ہے۔
• اسی طرح گاڑی کے دوسرے ویرینٹ کِیا سٹونک ای ایکس پلس کی قیمت 5400000 روپے سے بڑھا کر 5730000 روپے کر دی گئی ہے۔ یعنی گاڑی کی قیمت میں 330000 روپے اضافہ کیا گیا ہے۔

کِیا سورینٹو

کِیا سورینٹو کے تینوں ویریںٹس کی نئی قیمتیں یہ ہیں۔

• سورینٹو L2.4 FWD کی قیمت 9000000 روپے سے بڑھا کر 9540000 روپے کر دی گئی ہے۔ یعنی گاڑی کی قیمت میں 540000 روپے اضافہ کیا گیا ہے۔
• سورینٹو AWD کی نئی قیمت 10390000 روپے ہے جبکہ پرانی قیمت 9800000 روپے تھی۔ یعنی گاڑی کی قیمت میں 590000 روپے اضافہ کیا گیا ہے۔
• سورینٹو L3.5 کی قیمت 9800000 روپے سے بڑھا کر 10390000 روپے کر دی گئی ہے۔ یعنی گاڑی کی قیمت میں 590000 روپے اضافہ کیا گیا ہے۔

خیال رہے کہ آنیوالے دنوں میں گاڑیوں کی قیمتوں میں مزید اضافہ دیکھنے کو ملے گا۔ لہذا، تیار رہیں۔